অতিকে লজ্জাজনক! দেশৰ মাটিতেই হোৱাইটৱাশ্ব ভাৰত, পৰাজয়ৰ মূখ্য কাৰণ এই ৫ খেলুৱৈ
অতিকে লজ্জাজনত। বিশ্বকাপ জয়ী ভাৰতীয় দলে নিজ দেশৰ মাটিতেই অতিকে দুৰ্বল প্ৰদৰ্শনেৰে পৰাজিত নিউডিলেণ্ডৰ দৰে দলৰ হাতত। তাকো একেবাৰে হোৱাইটৱাশ্ব ভাৰতীয় দল। যাৰ ফলত এতিয়া ক্ৰোধ ব্যক্ত কৰিছে ক্ৰিকেট প্ৰেমী ভাৰতীয় জনতাই।
ৱানখেড়ে খেলপথাৰত বিপৰ্যয়ৰ সন্মুখীন হ’ল টিম ইণ্ডিয়া। বেংগালুৰু আৰু পুনেত পৰাজয়ৰ পিছত সকলোৱে আশাবাদী আছিল যে ৰোহিতৰ সৈন্যই অন্ততঃ মুম্বাইত শেষৰখন খেলত সন্মান ৰাখিব পাৰিব। কিন্তু সেই খেলত বিফল ভাৰতীয় দল।
ভাৰতীয় দলটোৱে নিউজিলেণ্ডৰ হাতত ০-৩ত পৰাস্ত হ’বলগীয়া হয় টেষ্ট শৃংখলা খনত। টেষ্ট ক্ৰিকেটৰ ইতিহাসত এই প্ৰথমবাৰৰ বাবে ঘৰুৱা খেলপথাৰত ভাৰতক এনেদৰে পৰাস্ত কৰে কোন এটা দলে।
নিউজিলেণ্ডৰ হাতত পৰাজয়ৰ পিছত এতিয়া খেলুৱৈ সকলৰ লগতে টিম ইণ্ডিয়াৰ মুখ্য প্ৰশিক্ষক গৌতম গম্ভীৰক লৈও বহু প্ৰশ্ন উত্থাপন হৈছে। অনুৰাগীসকলে গম্ভীৰৰ কৌশলক লৈ প্ৰশ্ন উত্থাপন কৰিছে। ইয়াৰ উপৰিও খেলুৱৈৰ লগতে প্ৰশিক্ষক গৌতম গম্ভীৰকো ট্ৰ’ল কৰা হৈছে। আনহাতে পৰাজয়ৰ মুখ্য কাৰণ হিচাপে ৫ গৰাকী খেলুৱৈৰ নাম লৈছে অনুৰাগীয়ে-
ৰোহিত শৰ্মা
ভাৰতীয় দলৰ অধিনায়ক ৰোহিত শৰ্মাই সমগ্ৰ শৃংখলাত অনুৰাগীক বহু হতাশ কৰে। দ্ৰুত ৰান সংগ্ৰহৰ বাবে চেষ্টা কৰিবলৈ গৈ হিটমেনে প্ৰতিখন মেচতে নিজৰ উইকেট হেৰুৱাই। ৰোহিতৰ অৱস্থা ইমানেই বেয়া আছিল যে ছয় ইনিংছৰ ভিতৰত তিনিটা ইনিংছত ডাবল ফিগাৰৰ ৰান কৰিবলৈও সক্ষম নহয়।
বিৰাট কোহলী
টিম ইণ্ডিয়াৰ ঘৰুৱা খেলপথাৰত বহু ৰান সংগ্ৰহ কৰা বিৰাট কোহলীয়ে এই ছিৰিজত এনেদৰে ফ্লপ কৰিব বুলি কোনেও ভবা নাছিল। সমগ্ৰ শৃংখলাটোত কোহলীৰ বেট একেবাৰে নিস্তব্ধ হৈ থাকে। বেংগালুৰু টেষ্টৰ দ্বিতীয় ইনিংছত বিৰাটে নিশ্চিতভাৱে ৭০ ৰান সংগ্ৰহ কৰিছিল যদিও ইয়াৰ বাহিৰেও তেওঁ প্ৰতিখনতে বিফল হয়।
সৰফৰাজ খান
বেংগালুৰু টেষ্টৰ দ্বিতীয় ইনিংছত যেতিয়া সৰফৰাজ খানে ১৫০ ৰানৰ উজ্জ্বল ইনিংছ সংগ্ৰহ কৰিছিল, তেতিয়া সকলোৱে আশা কৰিছিল যে এই যুৱ বেটছমেনে বাকী দুখন টেষ্ট মেচতো আচৰিত ধৰণৰ কাম কৰিব। কিন্তু সৰফৰাজে আশানুৰূপভাৱে সেই আশাত চেঁচাপানী ঢালে। আনকি ছয় ইনিংছৰ ভিতৰত দুটা ইনিংছত ৰানেই পৰা নাছিল ছাৰফৰাজে।
আৰ অশ্বিন
সুদক্ষ স্পীনাৰ বুলি নাম থকা আৰ আশ্বিনৰ বলৰ যাঁদু এই চিৰিজত এখন খেলতো দেখিব পৰা নাযায়। একেবাৰে নিস্প্ৰভ থাকে আৰ অশ্বিন। ভাৰতৰ ভুমিত আৰ অশ্বিনৰ এই চিৰিজ আছিল সবাতোকে দুৰ্বল প্ৰৰ্দশন কৰা চিৰিজ।
যশস্বী জয়ছৱাল
ভাৰতৰ উদীয়মান যুৱ বেটছমেন যশস্বী জয়ছৱালেও নিউজিলেণ্ডৰ বিৰুদ্ধে টেষ্ট শৃংখলাত শক্তিশালী প্ৰদৰ্শন আগবঢ়াব বুলি আশা কৰা হৈছিল। অৱশ্যে কিউই বলাৰৰ ওচৰত যশস্বীও সহজেই হাৰ মানে। সমগ্ৰ ছিৰিজত যশস্বীৰ বেটৰ পৰা মাত্ৰ এটা অৰ্ধশতকহে আহে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
