শোকাৱহ, ৭০০ ফুট দ’ খাৱৈত বাগৰিল সেনাৰ বাহন, ৩ সেনা জোৱান শ্বহীদ
আজি ৪ মে’ দেওবাৰে জম্মু-কাশ্মীৰৰ ৰামবান জিলাত সংঘটিত হয় এক শোকাৱহ দুৰ্ঘটনা। সেনাবাহিনীৰ এখন ট্ৰাক পিছলি প্ৰায় ৭০০ ফুট দ’ খাৱৈত বাগৰি পৰে। এই মৰ্মান্তিক দুৰ্ঘটনাত তিনিজন জোৱান শ্বহীদ হয়।
বিষয়াসকলে জনোৱা মতে, ৰাষ্ট্ৰীয় ঘাইপথ-৪৪ৰ বেটাৰী চাছমাৰ সমীপত পুৱা প্ৰায় ১১:৩০ মান বজাত সংঘটিত হয় এই দুৰ্ঘটনা। এই সেনাবাহিনীৰ ট্ৰাক জম্মুৰ পৰা শ্ৰীনগৰলৈ যোৱা কনভয়ৰ অংশ আছিল।
দুৰ্ঘটনাটোৰ কিছু সময়ৰ পিছতে এছ ডি আৰ এফ, আৰক্ষী, সেনা আৰু স্থানীয় স্বেচ্ছাসেৱকসকলে যৌথভাৱে উদ্ধাৰ অভিযান আৰম্ভ কৰে।
দুৰ্ঘটনাটোত গাড়ীখন সম্পূৰ্ণৰূপে ক্ষতিগ্ৰস্ত হোৱাৰ লগতে তাত থকা তিনিজন জোৱান শ্বহীদ হয়। শ্বহীদ জোৱানসকলৰ নাম অমিত কুমাৰ, সুজিত কুমাৰ আৰু মন বাহাদুৰ।
ইতিমধ্যে খাৱৈৰ পৰা উদ্ধাৰ কৰা হৈছে জোৱান কেইজনৰ মৃতদেহ। বিষয়াসকলে কয় যে দুৰ্ঘটনাটো ইমানেই মৰ্মান্তিক আছিল যে দুৰ্ঘটনাৰ পিছত বাহনখন একেবাৰে ধ্বংস হৈ পৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
