পূৰ্বৰ নিয়ম সংশোধন কৰি যাত্ৰাৰ পূৰ্বে বাকী থকা সময়ৰ ওপৰত ভিত্তি কৰি নতুন গাঁথনি ৰূপায়ণ কৰিছে। নতুন নিয়মত বিভিন্ন ৰিফাণ্ডৰ হাৰ আৰু জৰিমনা নিৰ্ধাৰণ কৰা হৈছে, আৰু প্ৰস্থানৰ সময় ওচৰ চাপি অহাৰ লগে লগে নিয়মসমূহ অধিক কঠোৰ হৈ পৰে।
ভাৰতীয় ৰে’লৱেই নিশ্চিত টিকট(Confirm ticket)ৰ বাতিলৰ নিয়ম সংশোধন কৰি যাত্ৰাৰ পূৰ্বে বাকী থকা সময়ৰ ওপৰত ভিত্তি কৰি নতুন গাঁথনি প্ৰৱৰ্তন কৰিছে। নতুন ব্যৱস্থা অনুসৰি যদি কোনো যাত্ৰীয়ে যাত্ৰাৰ ৭২ ঘণ্টাৰ ভিতৰত টিকট বাতিল কৰে তেন্তে তেওঁ সকলো ধন ঘূৰাই পাব। বাতিলৰ বাবে নিৰ্দিষ্ট মাচুলহে দিব। যদি ৭২ৰ পৰা ২৪ ঘণ্টাৰ ভিতৰত টিকট বাতিল কৰা হয় তেন্তে ভাড়াৰ ২৫% কৰ্তন কৰা হ’ব, লগতে নিৰ্দিষ্ট নূন্যতম মাচুলও কৰ্তন কৰা হ’ব। ২০২৬ চনৰ ১ এপ্ৰিলৰ পৰা ১৫ এপ্ৰিলৰ ভিতৰত পৰ্যায়ক্ৰমে ৰূপায়ণ কৰিব নতুন নিয়ম।
কেতিয়া ধন ঘূৰাই নাপাব?
পলমকৈ টিকট বাতিল কৰাৰ পেনাল্টি বৃদ্ধি পায়। ৰে’ল যাত্ৰাৰ ২৪ ঘণ্টাৰ পৰা ৮ ঘণ্টাৰ ভিতৰত যদি টিকট বাতিল কৰা হয়, তেন্তে ভাড়াৰ ৫০% কৰ্তন কৰা হ’ব। যাৰ বাবে নূন্যতম চাৰ্জ লোৱা হ’ব। ৰে’ল যাত্ৰাৰ ৮ ঘণ্টাৰো কম সময়ৰ আগতে টিকট বাতিল কৰিলে কোনো ধৰণৰ ধন ঘূৰাই দিয়া নহ’ব।
এইটো এটা ডাঙৰ পৰিৱৰ্তন
ভাৰতীয় ৰে’লৱেই ৰে’লৰ নিৰ্ধাৰিত প্ৰস্থান সময়ৰ ৩০ মিনিট পূৰ্বে যাত্ৰীসকলক বৰ্ডিং পইণ্ট সলনি কৰাৰ অনুমতি প্ৰদান কৰিছে। এই পৰিৱৰ্তনে একাধিক ষ্টেচন থকা চহৰসমূহৰ যাত্ৰীসকলক উপকৃত কৰিব বুলি আশা কৰিছে। এনে চহৰত যাত্ৰীসকলে নিজৰ সুবিধা অনুসৰি যিকোনো ষ্টেচনৰ পৰা ৰে’লত উঠিব পাৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
