দীপাৱলি বা দেৱালী আমাৰ দেশৰ অন্যতম ডাঙৰ উৎসৱ৷ পাঁচদিন ধৰি চলা দীপাৱলি উৎসৱ আৰম্ভ হৈছে ধনতেৰচ বা ধন ত্ৰয়োদশীৰ দিনৰ পৰা৷ ভাতৃদ্বিতীয়া বা ভাইফোঁটাৰে এই উৎসৱৰ অৱসান ঘটিব৷ দীপাৱলি হৈছে অশুভ শক্তিক হৰুৱাই শুভশক্তিৰ জয়গাথা ৰচনা৷ এই বছৰ দীপাৱলি পালিত হৈছে ৩১ অক্টোবৰত অৰ্থাৎ আজি৷ আজি কালীপূজা কৰাৰ ওপৰিও লক্ষ্মী আৰু গণেশৰ আৰাধনা কৰা হয়৷ ৰামৰ সৈতে সম্পৰ্কিত দেৱালীত কিয় লক্ষ্মী গণেশৰ আৰাধনা কৰা হয় জানেনে?
দীপাৱলিত কিয় লক্ষ্মী গণেশক আৰাধনা?
ইয়াৰ আঁৰত আছে এক প্ৰচলিত কাহিনী৷ এসময়ত এগৰাকী অত্যন্ত দুখীয়া ব্ৰাহ্মণ আছিল৷ তেওঁৰ প্ৰচণ্ড দাৰিদ্ৰতা দেখি ব্যথিত হৈ এগৰাকী সন্ন্যাসীয়ে তেওঁক সম্পদ লাভৰ বাবে মা লক্ষ্মীক আৰাধনা কৰাৰ পৰামৰ্শ দিয়ে৷ এই কলিযুগত মানুহৰ মাজত ৰজগুণৰ প্ৰাধান্য সকলোতকৈ বেছি আৰু আমি সকলোতকৈ বেছি যি সামগ্ৰীৰ কামনা কৰো সেয়া হৈছে ধন সম্পদ৷ সেয়ে সম্পদৰ দেৱী লক্ষ্মীৰ আৰাধনাতেই সকলোতকৈ বেছি প্ৰচলিত৷
অন্য এক পুৰাণ কথা অনুসৰি বছৰৰ যি সময়ত দীপাৱলি অনুষ্ঠিত হয় সেই সময়ত শ্ৰীবিষ্ণু নিদ্ৰাত থাকে৷ একাদশ দিন অৰ্থাৎ দেৱশয়নী একাদশীৰ পৰা কাতি মাহৰ একাদশ দিন অৰ্থাৎ প্ৰবোধিনী একাদশী পৰ্যন্ত যোগনিদ্ৰাত মগ্ন থাকে বিষ্ণু৷ দীপাৱলিৰ সৈতে একাধিক অশুভ শক্তি বিনাশৰ গল্প জড়িত৷ এই সময়ত শ্ৰীকৃষ্ণৰ দ্বাৰা নৰকাসুৰ বধ হৈছিল৷ ৰাৱন নিধন কৰি ঘৰলৈ উভতিছিল ৰাম আৰু বামন অৱতাৰৰ হাতত পৰাজিত হৈছিল বালি৷ অশুভ শক্তিক বিনাশ আৰু শুভ শক্তিৰ জয়ত সমৃদ্ধি লাভ হয়৷ সেয়ে সম্পদ আৰু সমৃদ্ধিৰ দেৱী লক্ষ্মীৰ আৰাধনা এই সময়ত কৰা হয়৷
আন এক কাহিনী অনুসৰি সন্তান নথকাৰ বাবে লক্ষ্মীয়ে মাতৃ পাৰ্বতীৰ পৰা তেওঁৰ সৰু ভায়েকক তুলি লৈছিল৷ লক্ষ্মীয়ে জনাইছিল যে তেওঁৰ ধন আৰু সমৃদ্ধিত গণেশৰো সমান অধিকাৰ থাকিব৷ তেওঁ কৈছিল যে ত্ৰিভূৱনত যিয়ে গণেশৰ আৰাধনা নকৰে তেওঁ লক্ষ্মীক আৰাধনা কৰি প্ৰসন্ন কৰিব নোৱাৰিব৷ সেয়ে দীপাৱলিত লক্ষ্মীৰ ওপৰিও গণেশৰো পূজা কৰা হয়৷ আৰু ধাৰণা কৰা হয় যে সকলোতকৈ জ্ঞানী দেৱতাই হৈছে গণেশ৷ জ্ঞান নাথাকিলে সম্পদৰ সঠিক ব্যৱহাৰ কৰা সম্ভৱ নহয়৷ সেয়ে গণেশক প্ৰসন্ন কৰিবলৈ দীপাৱলিত ল৭্মীৰ সৈতে গণেশৰো পূজা কৰা হয় বুলি বহুতৰেই ধাৰণা৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
