বাংলাদেশৰ ঢাকাস্থিতি ৰাধাকান্ত ইস্কন মন্দিৰত পুনৰ আক্ৰমণ সংঘটিত হৈছে৷ বৃহস্পতিবাৰে নিশা ইছলাম ধৰ্মাৱলম্বী প্ৰায় ২০০ জনীয়া এটা দলে হিন্দু মন্দিৰটোত ধ্বংসলীলা চলায়৷
প্ৰকাশিত খবৰ অনুসৰি বাংলাদেশৰ হাজী শ্বফিউল্লাহৰ নিৰ্দেশত ১৫০ৰ পৰা ২০০ জনীয়া এটা বৃহৎ দলে মন্দিৰটোত ধ্বংসলীলা চলায়৷ দলটোৱে মন্দিৰৰ মূৰ্তিটোক ধ্বংস কৰাৰ লগতে বিভিন্ন মূল্যৱান সম্পত্তি লুটপাত কৰে৷
আনহাতে, দলটোৰ আক্ৰমণত মন্দিৰ পূজাৰী ক্ৰমে সুমনত্ৰ চন্দ্ৰ শ্ৰাৱণ, নিহাৰ হালডাৰ আৰু ৰাজীৱ ভদ্ৰা আহত হৈছে৷ ইফালে মন্দিৰটোৰ পূজাৰীয়ে আক্ৰমণ সন্দৰ্ভত স্থানীয় আৰক্ষীক খবৰ দিলেও কোনো ব্যৱস্থা নোলোৱাৰ গুৰুতৰ অভিযোগ উঠিছে৷
লগতে পঢ়ক ৰাছিয়াৰ সৈতে বন্ধুত্বৰ সুফল; ভাৰতে ৰাছিয়াৰ পৰা ৰেহাই মূল্যত লাভ কৰিছে খাৰুৱা তেল!
ইতিমধ্যে মন্দিৰটোত সংঘটিত আক্ৰমণৰ দৃশ্য সামাজিক মাধ্যমত ভাইৰেল হৈছে৷ টুইটাৰ ভিডিঅ’টো শ্বেয়াৰ কৰি এটা টুইটাৰ হেণ্ডলত কোৱা হৈছে, ‘‘ঢাকাৰ ৰাধাকান্ত ইস্কন মন্দিৰত আক্ৰমণ কৰা হৈছে৷ পূজাৰীয়ে আক্ৰমণ সন্দৰ্ভত আৰক্ষীক খবৰ দিছে যদিও আৰক্ষীয়ে কোনো ব্যৱস্থাত লোৱা নাই৷’’ টুইটটোত লগতে লিখা হৈছে যে আক্ৰমণকাৰীয়ে ‘আল্লাহ হু আকবৰ’ৰ ধ্বনিও দিছে৷
উল্লেখ্য যে বিগত বৰ্ষৰ দুৰ্গা পূজাৰ সময়তো বাংলাদেশৰ হিন্দু মন্দিৰসমূহত কট্টৰ ইছলামিক লোকে আক্ৰমণ কৰি ধ্বংসলীলা চলাইছিল৷ দেশখনত সেই সময়ত হিন্দু সাম্প্ৰদায়িক হিংসা বিশেষকৈ হিন্দু লোকৰ ওপৰতো আক্ৰমণ সংঘটিত হৈছিল৷ কে’বাদিনো চলা সেই কে’বাজনো লোক হতাহতি হৈছিল৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
