অসম লাইভ২৪ঃ বিশ্ব বেংকৰ প্ৰেছিডেণ্ট হিচাপে নেতৃত্ব দিবলৈ যোগ্য ব্যক্তি হিচাপে ভাৰতীয় বংশোদ্ভুতৰ অজয় বঙ্গাৰ নাম মনোনীত কৰিছে ওৱাছিংটনৰ পৰা। মাৰ্কিন প্ৰেছিডেণ্ট জ’ বাইডেনে অজয় বঙ্গাৰ নাম মনোনীত কৰিছে। বিশ্বৰ প্ৰথম শাৰীৰ পেমেণ্ট সংস্থা মাষ্টাৰকাৰ্ডৰ প্ৰাক্তন চীফ এক্সিকিউটিভ আছিল অজয় বঙ্গা। ম্যাদ শেষ হোৱাৰ পূৰ্বে বিশ্ব বেংকৰ প্ৰেছিডেণ্ট পদৰ পৰা ইস্তাফা দিছে ডেভিড মালপাছে। সাধাৰণতে এই পদত মাৰ্কিন নাগৰীকেই অগ্ৰাধিকাৰ পায়। কিন্তু প্ৰথমবাৰৰ বাবে এজন ভাৰতীয় বংশোদ্ভুতৰ লোকৰ নাম এই পদৰ বাবে মনোনীত কৰা হৈছে।
যদি অজয় বঙ্গা বিশ্ব বেংকৰ প্ৰেছিডেণ্ট পদত অধিষ্ঠিত হয় তেন্তে তেৱেই এই পদত অধিষ্ঠিত হোৱা প্ৰথমজন ভাৰতীয় হৈ পৰিব। ৬৩ বছৰীয়া অজয় বঙ্গা বৰ্তমান মাৰ্কিন যুক্তৰাষ্ট্ৰৰেই ইকুইটি নামৰ এক মাৰ্কিন সংস্থাৰ ভাইছ চেয়াৰমেন পদত আছে। বাইডেনে শেহতীয়াভাৱে দিয়া এক বিবৃতিত উল্লেখ কৰা অনুসৰি জলবায়ু পৰিবৰ্তনৰ পৰা আৰম্ভ কৰি বৰ্তমান সময়ত আমাৰ সন্মুখত দেখা দিয়া সকলো সমস্যাৰ সমাধান কৰাৰ অভিজ্ঞতা আছে অজয় বঙ্গাৰ। এই কঠিন সময়ত বিশ্ব বেংকৰ নেতৃত্ব দিয়াৰ ক্ষমতাও কেৱল বঙ্গাৰেই আছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
