আহি গ’ল পানীৰে চলা স্কুটাৰ, ১ লিটাৰ পানীৰে চলিব ১৫০ কিলোমিটাৰ
আহি গ’ল, আহি গ’ল, আহি গ’ল…পানীৰে চলা বাহন আহি গ’ল মাৰ্কটেত। মাথো ১ লিটাৰ পানী ভৰাওক, ১৫০ কিলোমিটাৰ চলাওক। বজাৰলৈ আহি গ’ল এখন বিশেষ স্কুটাৰ। এই বিশেষ স্কুটাৰ চলাবলৈ আপোনাক লাইচেঞ্চৰো প্ৰয়োজন নহব।
বিগত কিছুদিন ধৰি প্ৰতিদিনে এটা ভিডিঅ’ ভাইৰেল হৈ আছে ছ’চিয়েল মিডিয়াত। ভিডিঅ’টোত উল্লেখ কৰা অনুসৰি স্কুটীখনে এক লিটাৰ পানীত ১৫০ কিলোমিটাৰ পৰ্যন্ত দৌৰিব পাৰে। আচলতে এইখনেই জয় হাইড্ৰজেন স্কুটাৰ। শেহতীয়াকৈ দিল্লীৰ প্ৰগতি ময়দানত অনুষ্ঠিত ইণ্ডিয়া মবিলিটি গ্ল’বেল এক্সপ’ ২০২৪ত ইয়াক প্ৰদৰ্শন কৰা হৈছিল।
এই স্কুটি চলাবলৈ ডিষ্টিল্ড পানী (Distilled Water)ৰ প্ৰয়োজন হয়। উল্লেখ্য যে, ঘৰত ব্যৱহাৰ কৰা ইনভাৰ্টাৰৰ বেটাৰীতো ডিষ্টিল্ড পানী ব্যৱহাৰ কৰা হয়। ডিষ্টিলড পানী এক প্ৰকাৰৰ বিশুদ্ধ পানী। ইয়াত কোনো মিশ্ৰণ নাথাকে। এই পানী বনাবলৈ প্ৰথমে আমি সাধাৰণ পানী গৰম কৰি ভাপলৈ ৰূপান্তৰিত কৰোঁ, তাৰ পিছত ঠাণ্ডা কৰি পুনৰ পানী বনাওঁ।
ভিডিঅ’টোত দেখা পোৱা স্কুটাৰখন হৈছে জয় ই বাইক (Joy Hydrogen Scooter), ইয়াত এক লিটাৰ ডিষ্টিল্ড পানী ঢালি দিয়া হৈছে। ইয়াৰ পিছত হাইড্ৰজেন আৰু অক্সিজেন পৃথক হযৈ যায়। সংবাদ মাধ্যমৰ বাতৰি অনুসৰি ই ৩০ গ্ৰাম হাইড্ৰজেনৰ পৰা প্ৰায় ৫৫ কিলোমিটাৰ ড্ৰাইভিং ৰেঞ্জ দিয়ে।
এইখন স্কুটাৰখনে পথত ২৫ কিলোমিটাৰ প্ৰতি ঘণ্টাত শীৰ্ষ গতি প্ৰদান কৰে। কোৱা হৈছে যে বৰ্তমান কোম্পানীটোৱে নিজৰ প্ৰ’ট’টাইপ সংস্কৰণটো বনাইছে, ইয়াক অতি সোনকালে মুকলি কৰা হ’ব। ইয়াৰ মূল্য ৭০ হাজাৰ টকাৰ পৰা আৰম্ভ হ’ব পাৰে। ইয়াত এটা সৰু বেটাৰীও দিব পাৰে কোম্পানীৰ ফালৰ পৰা।
কি কি বৈশিষ্ট্য থাকিব জয় হাইড্ৰজেন স্কুটাৰত –
এইখন নতুন প্ৰজন্মৰ স্কুটাৰ, ইয়াত থাকিব এলয় হুইল আৰু টিউবলেছ টায়াৰ।
স্কুটাৰৰ টায়াৰৰ আকাৰ ১২ ইঞ্চি।
ইয়াত আৰামদায়ক হেণ্ডেলবাৰ আৰু ডিজিটেল মিটাৰ থাকিব।
স্কুটাৰখনৰ আসনৰ পিছফালে ধৰিব পৰাকৈ এটা হেণ্ডেলৰ ব্যৱস্থা কৰা হৈছে।
ভঙা পথত আৰামদায়ক যাত্ৰাৰ বাবে ই গধুৰ ছাচপেনচন শক্তি লাভ কৰিব।
ইয়াত থাকিব এল ই ডি হেডলাইট আৰু টেইললাইট, যিয়ে ইয়াক হাই ক্লাছ লুক প্ৰদান কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
