শাওনৰ সোমবাৰে মহিলাই ভুলতো নকৰিব এই কাম, পূণ্যৰ সলনি হ’ব পাপ
সনাতন ধৰ্মত শাওন মাহক আটাইতকৈ পবিত্ৰ মাহ বুলি গণ্য কৰা হয়। এই মাহটো ভগৱান শিৱৰ অতি প্ৰিয়। বিশ্বাস কৰা হয় যে এই মাহত যদি শিৱভক্তসকলে ৰীতি-নীতি অনুসৰি ভগৱান শিৱক পূজা কৰে, তেন্তে তেওঁলোকৰ দ্বাৰা কৰা সকলো কামনা নিশ্চিতভাৱে পূৰণ হয়।
বিবাহিতা মহিলাসকলে স্বামীৰ দীৰ্ঘায়ুৰ বাবে শাওন মাহৰ সোমবাৰে ব্ৰত পালন কৰে। ইয়াৰ লগতে অবিবাহিত ছোৱালীসকলে ভাল জীৱন সংগী লাভৰ বাবে সোমবাৰে ব্ৰত ৰাখে। কিন্তু এনে বহু কাম আছে যিবোৰ বিবাহিত মহিলা বা অবিবাহিত ছোৱালীয়ে শাওন মাহৰ সোমবাৰে একেবাৰেই কৰিব নালাগে।
দেওঘৰৰ বিখ্যাত জ্যোতিষী পণ্ডিত নন্দকিশোৰ মুদগালে এই সন্দৰ্ভত কয় যে, শাওন মাহৰ সোমবাৰ মহাশিৱৰাত্ৰিৰ তাৰিখৰ সমান। যদি আপুনি বেলপাত অৰ্পণ কৰি ভগৱান ভোলেনাথক ৰীতি-নীতিৰে পূজা কৰে বা সোমবাৰে জলাভিষেক কৰে তেন্তে জীৱনত চলি থকা সকলো ধৰণৰ সমস্যাৰ অন্ত পৰে।
জীৱনত সুখ আৰু সমৃদ্ধি বাঢ়ি যায়। এই শাওন মাহতে মাতা পাৰ্বতীয়ে ভগৱান শিৱক স্বামী হিচাপে লাভ কৰিছিল। সেয়ে বিবাহিতা মহিলা আৰু অবিবাহিত সকলো নাৰীয়ে শাওন মাহৰ প্ৰত্যেকটো সোমবাৰে ব্ৰত পালন কৰে। কিন্তু কিছুমান সৰু ভুলে হয়তো আপোনাৰ ব্ৰত ভাঙিব দিব পাৰে।
জ্যোতিষীসকলে কয় যে বিবাহিত মহিলা আৰু অবিবাহিত ছোৱালীয়ে শাওন মাহৰ কোনো এটা সোমবাৰেই চুলি ধুব নালাগে। ইয়াৰ লগতে দুটা বিশেষ ৰঙৰ কাপোৰ পিন্ধিব নালাগে, ইয়াৰে এটা ক’লা আৰু আনটো নীলা।
সম্ভৱ হ’লে মহিলাসকলে শাওন মাহত শিৱক পূজা কৰাৰ সময়ত হালধীয়া বা ৰঙা ৰঙৰ কাপোৰ পৰিধান কৰিব লাগে। ইয়াৰ লগতে মহিলাসকলে কেতিয়াও ঋতুস্ৰাৱৰ সময়ত শিৱলিংগক পূজা বা স্পৰ্শ কৰিব নালাগে। এনে কৰিলে আপোনাৰ ব্ৰত ভঙাৰ লগতে পূজাৰ শুভ ফল নাপাব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
