প্ৰথমজন বৌদ্ধ ধৰ্মাৱলম্বী, দ্বিতীয়জন দলিত মুখ্য ন্যায়াধীশ পালে দেশে, থোৰতে জানি থওক ভি আৰ গাভাইৰ পৰিচয়

দ্বিতীয়বাৰ দেশে পাইছে দলিত সম্প্ৰদায়ৰ মুখ্য ন্যায়াধীশ

দেশত এইবাৰেই প্ৰথম কোনে এগৰাকী বৌদ্ধ ধৰ্মাৱলম্বী ন্যায়াধীশ দেশৰ মুখ্য আদালতৰ শীৰ্ষপদত বহিছে৷ ইয়াৰ সৈতে দ্বিতীয়বাৰ দলিত সম্প্ৰদায়ৰ পৰা মুখ্য ন্যায়াধীশ পাইছে দেশে৷ ইয়াৰ পূৰ্বে ২০০৭ চনৰ মুখ্য ন্যায়াধীশ হৈছিল কে জি বালাকৃষ্ণণ৷ তেওঁ আছিল দেশৰ প্ৰথম দলিত মুখ্য ন্যায়াধীশ৷ তিনি বছৰ এই পদত আছিল তেওঁ৷ ন্যায়াধীশ গাভাই এই আসনত থাকিব মুঠ ৬মাহ সময়৷

পিতৃৰ ইচ্ছাতেই এই পেছা গ্ৰহণ কৰিছিল গাভাইয়ে

আৰ্কিটেক্ট হোৱাৰ সপোন দেখিছিল ন্যায়াধীশ গাভাই৷ কিন্তু পিতৃয়ে বিচাৰিছিল পুত্ৰই আইনক লৈ লেখাপঢ়া কৰক৷ সূত্ৰৰ খবৰ অনুসৰি ন্যায়াধীশ গাভাইৰ পিতৃয়ে পুত্ৰক কৈছিল, এই পেছাৰ জৰিয়তে সমাজৰ বাবে আৰু বেছিকৈ কাম কৰিব পাৰিব তেওঁ৷ এন ডি টিভিৰ প্ৰতিবেদন অনুসৰি পিতৃয়ে কৈছিল, ‘এদিন তুমি দেশৰ মুখ্য ন্যায়াধীশ হ’বা৷ কিন্তু সেইদিনা মই এই পৃথিৱীত থাকি তোমাৰ সাফল্য উপভোগ কৰিব নোৱাৰিম৷’ পিতৃৰ সেই কথা আখৰে আখৰে ফলিয়াইছে৷ আজি মুখ্যন্যায়াধীশ পদত শপত লৈছে ভি আৰ গাভাই৷ তেওঁৰ এই সফলতা স্বচক্ষে চাবলৈ পিতৃ এই পৃথিৱীত নাই৷ ২০১৫ চনত পিতৃহাৰা হৈছে ভি আৰ গাভাই৷

কি কি গুৰুত্বপূৰ্ণ গোচৰত প্ৰত্যক্ষভাৱে জড়িত হৈ আছে ন্যায়াধীশ গাভাই

বুলডোজাৰ গোচৰ, সংবিধানৰ ৩৭০ বাতিল, তিস্তা শীতলাবান্ধৰ বেল কেছ, ৰাহুল গান্ধীৰ মানহানিৰ গোচৰ শুনিছে ন্যায়াধীশ গাভাই৷ এইবাৰ দেশৰ মুখ্য ন্যায়াধীশ পদত বহিয়েই তেওঁ চম্ভালিব লাগিব কেইবাটাও গুৰুত্বপূৰ্ণ গোচৰ৷ তাৰ ভিতৰত কাইলৈ ৱাকফৰো শুনানি গ্ৰহণৰ দিন ধ্যাৰ্য কৰা আছে৷