ছ’চিয়েল মিডিয়াত প্ৰায়ে বাতৰিৰ শিৰোনাম দখল কৰে বলীউডৰ অভিনেত্ৰী তথা বিজেপিৰ সাংসদ কংগনা ৰানাৱটে। দৰাচলতে কংগনাই ইনষ্টাগ্ৰামত শ্বেয়াৰ কৰা এটা পোষ্ট আৰু পোষ্টটোক লৈ কৰা মন্তব্যৰ পিছতে সম্প্ৰতি বিতৰ্কত সোমাই পৰিছে অভিনেত্ৰীগৰাকী। কংগনাই এটা ভাইৰেল পোষ্টৰ স্ক্ৰীনশ্বট শ্বেয়াৰ কৰিছিল য’ত আন এগৰাকী অভিনেত্ৰীৰ শৰীৰক লৈ বৈষম্যমূলক মন্তব্য কৰা হৈছিল আৰু কংগনাই সেই পোষ্টটো লাইক কৰা বুলি প্ৰকাশ পাইছিল। কিন্তু কংগনাই এই পোষ্টটোক নস্যাৎ কৰি স্ক্ৰীণশ্বটো শ্বেয়াৰ কৰি লিখিছে, “এটা এটা ভুৱা বাতৰি। এনেকুৱা বহু ভুৱা বাতৰি চলি আছে। মই কেতিয়াও কাৰো শৰীৰক লৈ মন্তব্য কৰা নাই, ইয়াত উল্লেখ কৰা লাইকটোও ভুৱা।’ ষ্টেটাছটোৰ এঠাই কংগনাই লিখিছে- ‘মই লক্ষ্য কৰিছো যে আজিকালি এগৰাকী অভিনেত্ৰীয়ে পকেটমাৰৰ দৰে সাজ-পোছাক পিন্ধি কথা পাতে। তেওঁ হাফ পেণ্ট আৰু ওলোটা টুপী পিন্ধি পকেটমাৰৰ দৰে কথা কয়।”
কংগনা ৰানাৱটে আৰু লিখে যে, “মই সদায় অনুভৱ কৰোঁ যে বহুক্ষেত্ৰত আপোনাৰ সাজ-পোছাকে আপোনাৰ অনুভৱৰ প্ৰত্যক্ষ প্ৰতিফলন ঘটায়। হে মোৰ প্ৰিয় সহযোগী অভিনেত্ৰী, যদি আপোনাৰ সংগীয়ে আপোনাক পকেটমাৰ দৰে অনুভৱ কৰাইছে, তেন্তে মোক ক্ষমা কৰিব কাৰণ আপুনি আগতে ইমান মাৰ্জিতভাৱে সাজ-পোছাক পিন্ধিছিল আৰু কথা পাতিছিল, কিন্তু সম্প্ৰতি ইয়াৰ ওলোটাহে হৈছে?”
কংগনাৰ এই পোষ্টটো কোন অভিনেত্ৰীক উদ্দেশ্যি কৰা হৈছে সেই কথাও কংগনাই উল্লেখ কৰা নাই, কোনো অভিনেত্ৰীৰ নামো উল্লেখ কৰা নাই যদিও ছ’চিয়েল মিডিয়া ব্যৱহাৰকাৰীসকলে এই পোষ্টটো সোনাক্ষী সিনহাক উদ্দেশ্যিয়ে দিয়া হৈছে বুলি ধাৰণা কৰিছে। কিয়নো শেহতীয়াকৈ সোণাক্ষীয়ে যন্তৰ মন্তৰ প্ৰতিবাদৰ সমৰ্থনত এটা ভিডিঅ’ শ্বেয়াৰ কৰিছিল, য’ত তেওঁক পেণ্ট, টি-চাৰ্ট, কেপ পিন্ধা দেখা গৈছিল। অৱশ্যে এইবোৰ কেৱল ছ’চিয়েল মিডিয়া ব্যৱহাৰকাৰীৰ মতামতহে। কংগনা ৰানাৱটে নিজৰ পোষ্টত কোনো অভিনেত্ৰীৰ নাম উল্লেখ কৰা নাই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
