অসম লাইভ ২৪ ডিজিটেল ডেস্কঃ ক’ৰোনাৰ আতংকৰ মাজতেই বিচিচিআইক ভাৰত-পাকিস্তান দ্বিপাক্ষিক চিৰিজৰ প্ৰস্তাৱ দিছে প্ৰাক্তন পাক পেচাৰ ছোৱাইব আখতাৰে৷ আখতাৰৰ এই প্ৰস্তাৱ প্ৰত্যাখ্যান কৰিছিল ভাৰতীয় ক্ৰিকেট বোর্ডে৷ পিছে এইবাৰ পাকিস্তানৰ আন এগৰাকী অৱসৰী ফার্ষ্ট বলাৰ ৱাকাৰ ইউনিছে দিছে দুয়োখন দেশৰ বোর্ডক আন এক প্ৰস্তাৱ৷ ৱাকাৰে তেওঁৰ প্ৰস্তাৱত চিৰিজৰ নামকৰণো কৰিছে৷ বিশ্বকাপ বিজয়ী দুই অধিনায়ক কপিল দেৱ আৰু ইমৰাণ খানৰ নামেৰে চিৰিজৰ প্ৰস্তাৱ দি ৱাকাৰে কৈছে যে ভাৰতক প্ৰথম বিশ্বকাপ জয়ৰ সোৱাদ দিছিল কপিল দেৱে৷ অনুৰূপ ধৰণে পাকিস্তানক বিশ্বকাপত প্ৰথমবাৰ জয়ী কৰাইছিল ইমৰান খানে৷ সেইবাবে এই নমস্য খেলুৱৈ দুগৰকাৰীৰ নামত চিৰিজ আৰম্ভ কৰিব লাগে৷ অষ্ট্ৰেলিয়া আৰু ভাৰতৰ মাজত যেনেদেৰ গাভাস্কাৰ-বর্ডাৰ ট্ৰফীৰ আয়োজন হয়, তেনেদৰে কপিল দেৱ আৰু ইমৰান খানৰ নামেৰে নামাংকিত কৰা হওক৷ উল্লেখ্য যে সীমান্তৰ ৰাজনৈতিক সমস্যাৰ বাবে দীর্ঘদিন ধৰি পাক-ভাৰতৰ কোনো খেল অনুষ্ঠিত হোৱা নাই৷ ২০১২-১৩ বর্ষত শেষ বাৰৰ কাৰণে দ্বিপাক্ষিক চিৰিজ অনুষ্ঠিত হৈছিল চিৰবৈৰী পাকিস্তান-ভাৰতৰ৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
