অসম লাইভ ২৪ ডিজিটেল ডেস্কঃ বর্তমান ভাৰতীয় ক্ৰিকেট দলৰ নিঃসন্দেহে অন্যতম জনপ্ৰিয় তাৰকা হার্দিক পাণ্ডিয়া৷ বিপক্ষৰ হাতৰ পৰা কেইবাখনো মেচ ওভোতাই আনি ভাৰতক দুর্দান্ত জয়ৰ সোৱাদো দিছে এই পাণ্ডিয়াই৷ বল হাতত ল’লেও দুর্দান্ত৷ হেয়াৰ ষ্টাইলৰো আছে হট লুক৷ মুঠতে দেখাই-শুনাই, কামে-কাজে আন এক মহানায়কৰ শাৰীতেই আছে পাণ্ডিয়া৷ কিছুদিন পূর্বে বিবাহপাশত আৱদ্ধ হোৱা পাণ্ডিয়াই বিবাহে দুমাহো অতিক্ৰম নকৰোতেই পত্নী পাঁচ মাহৰ গর্ভৱতী বুলি সদৰী কৰি ছ’চিয়েল মিডিয়াত সন্মুখীন হৈছিল ট্ৰ’লৰ৷ ট্ৰ’ল হৈছিল সুন্দৰী পত্নীৰ৷ হাৰ্ডিকৰ ইয়াতেই ক্ষোভ৷ ‘আৰে ভাই মোৰ ভুলৰ বাবে যদি মোৰ পত্নীক কটুক্তি কৰা হয় মোৰ মন বেয়া লাগে৷’ এক সাক্ষাতকালত এনেদেৰেই সাংবাদিকৰ সন্মুখত ক্ষোভ উজাৰে বেটে-বলে দুর্দান্ত ফর্ম দেখুৱা হার্টথ্ৰ’ৱ হার্দিক পাণ্ডিয়াই৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
