অসম লাইভ২৪ঃ
সত্যপাল মালিকে দিয়া সাক্ষাৎকাৰেই কঁপাইছে দেশ।
সত্যপাল মালিকৰ সাক্ষাৎকাৰক লৈ দেশজুৰি চলিছে চৰ্চা।
মোদী চৰকাৰৰ এটা ভুলৰ বাবেই পুলবামাত শ্বহীদ হৈছিল নেকি ৪০ জনকৈ চিআৰপিএফ জোৱান?
কৰণ থাপৰৰ সৈতে হোৱা সাক্ষাৎকাৰত এই বিস্ফোৰণ ঘটাইছে সত্যপাল মালিকে।
চিআৰপিএফৰ জোৱানসকলক গন্তব্যস্থানলৈ যোৱাৰ বাবে বিচৰা হৈছিল ৫খন এয়াৰক্ৰাফ্ট।
কিন্তু গৃহবিভাগে এই অনুমতি প্ৰদান নকৰিলে।
১৪ ফেব্ৰুৱাৰীত পুলবামাৰ আক্ৰমণ সংঘটিত হয়।
সেই সময়ত জিম কৰবেট পাৰ্কত Men Vs Wildৰ শ্বুটিঙত ব্যস্ত আছিল নৰেন্দ্ৰ মোদী৷
নৰেন্দ্ৰ মোদীক ফোনযোগে আক্ৰমণৰ কথা প্ৰকাশ কৰিছিল সেই সময়ৰ জম্মু কাশ্মীৰৰ ৰাজ্যপাল সত্যপাল মালিকে৷
ৰাজ্যপালগৰাকীয়ে কৈছিল, ‘আমাৰ ভুলৰ বাবেই শ্বহীদ হ’ল চিআৰপিএফৰ জোৱানসকল’৷
এই সম্পৰ্কত নৰেন্দ্ৰ মোদীয়ে ৰাজ্যপালগৰাকীক মনে মনে থাকিবলৈ ক’লে৷
ৰাষ্ট্ৰীয় নিৰাপত্তা উপদেষ্টা অজিত ডোভালেও মনে মনে থাকিবলৈ কৈছিল সত্যপাল মালিকক৷
নৰেন্দ্ৰ মোদীক লৈয়ো বিস্ফোৰক মন্তব্য সত্যপাল মালিকৰ৷
দুৰ্নীতিক লৈ সমস্যা নাই নৰেন্দ্ৰ মোদীৰ৷
গোৱাত হৈ থকা দুৰ্নীতিৰ কথা প্ৰধানমন্ত্ৰীক জনাইছিল সত্যপাল মালিকে৷
এই কথা জনোৱাৰ এসপ্তাহৰ পাছতেই সত্যপাল মালিকক গোৱাৰ পৰা বদলি কৰি দিয়া হয়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
