আহমেদাবাদ বিমান দুৰ্ঘটনাত শোক প্ৰকাশ কৰি টুইট কৰাৰ পাছতে হাৰ্ট এটেকত নিহত কৰিশ্মাৰ প্ৰাক্তন স্বামী সঞ্জয়
১২ জুন তাৰিখ কালি গুজৰাটৰ আহমেদাবাদত সংঘটিত বিমান দুৰ্ঘটনাই দেশৰ লগতে সমগ্ৰ বিশ্বকে শোকবিহ্বল কৰি তোলে। দেশৰ বহু লোকেই এই ঘটনাত শোক প্ৰকাশ কৰে। বলীউডৰ অভিনেত্ৰী কৰিশ্মা কাপুৰৰ প্ৰাক্তন স্বামী সঞ্জয় কাপুৰেও এই ঘটনাত শোক প্ৰকাশ কৰে।
কিন্তু দুখৰ বিষয়, এক্স হেণ্ডেলত সেই পোষ্ট কৰাৰ কিছু সময় পাছে হাৰ্ট এটেকত মৃত্যু হয় সঞ্জয় কাপুৰৰ। দেশৰ সুপৰিচিত ব্যৱসায়ী তথা অভিনেত্ৰী কৰিশ্মা কাপুৰৰ প্ৰাক্তন স্বামী সঞ্জয় কাপুৰৰ কালি মৃত্যু হয়।
বৃহস্পতিবাৰে সন্ধিয়া সঞ্জয় কাপুৰ ইংলেণ্ডৰ গাৰ্ডছ প’লো ক্লাবত প’ল’ খেলিবলৈ গৈছিল। তাতেই হঠাৎ হাৰ্ট এটেকত আক্ৰান্ত হৈ মৃত্যুবৰণ কৰে সঞ্জয় কাপুৰে। মৃত্যুৰ মাত্ৰ কেইঘণ্টামান পূৰ্বে সঞ্জয় কাপুৰে আহমেদাবাদৰ বিমান দুৰ্ঘটনা গোচৰত ২৪১ জন লোকৰ মৃত্যুক লৈ শোক প্ৰকাশ কৰিছিল।
উল্লেখ্য যে সঞ্জয় কাপুৰ দেশৰ এজন পৰিচিত ব্যৱসায়ী আগতে অটোমোবাইলৰ ব্যৱসায়ী। সোনা কমষ্টাৰ নামৰ অটোমোবাইল কোম্পানী এটাৰ অকাৰ্যবাহী অধ্যক্ষও আছিল সঞ্জয়। দেশৰ বৃহৎ উদ্যোগপতি ড০ সুৰিন্দৰ কাপুৰৰ পুত্ৰ সঞ্জয়ে বিশ্বব্যাপী কোম্পানীটোৰ সম্প্ৰসাৰণত গুৰুত্বপূৰ্ণ ভূমিকা পালন কৰিছিল।
সঞ্জয় ভাৰতীয় অটোমোটিভ কম্পোনেণ্ট মেনুফেকচাৰ্ছ এছ’চিয়েশ্যন (এচিএমএ)ৰ সভাপতিও আছিল। সেই সঞ্জয়ৰ লগতে ২০০৩ চনত বিবাহপাশত আবদ্ধ হৈছিল কৰিশ্মা। বিবাহৰ ২ টা বছৰৰ পাছত ২০০৫ চনত জন্ম পাইছিল কৰিশ্মাৰ প্ৰথম সন্তান সমাইৰা। পাছত ২০১১ চনত জন্ম পাইছিল কৰিশ্মা-সঞ্জয়ৰ দ্বিতীয়টো সন্তান পুত্ৰ কিয়ানৰ।
কিন্তু পাছত ২০১৪ চনত কৰিশ্মা -সঞ্জয়ৰ মাজত মনোমালিন্য হোৱাৰ পাৰস্পৰিক সন্মতিৰে বিচ্ছেদৰ বাবে আবেদন জনাই, যি ২০১৬ চনত চূড়ান্ত হয়। হৈছিল।
কৰিশ্মাৰ সৈতে বিচ্ছেদৰ পাছত প্ৰিয়া সচদেৱৰ সৈতে তৃতীয়বাৰৰ বাবে বিবাহপাশত আবদ্ধ হৈছিল সঞ্জয়। মৃত্যুৰ সময়লৈকে প্ৰিয়াৰ সৈতেই সংসাৰত আছিল সঞ্জয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
