অসম লাইভ২৪ঃ কৰ্ণাটক নিৰ্বাচনত কংগ্ৰেছে ১৩৫ খন আসন দখল কৰি সংখ্যাগৰিষ্ঠতা দখল কৰাৰ পাছতেই সকলোৰে মাজত চলিছিল এটাই চৰ্চা। মুখ্যমন্ত্ৰীৰ আসনৰ কোন বহিব। কৰ্ণাটকত কংগ্ৰেছ দলৰ হৈ মুখ্যমন্ত্ৰী পদৰ দাবীদাৰ আছিল দুজন ব্যক্তি। ডি কে শিৱকুমাৰ আৰু ছিদ্দাৰামায়া। সকলো চৰ্চাৰ অন্ত পেলাই কংগ্ৰেছে ঘোষণা কৰিলে মুখ্যমন্ত্ৰীৰ নাম। মুখ্যমন্ত্ৰী হিচাপে শপত ল’ব ছিদ্দাৰামাইয়াই।
কৰ্ণাটক নিৰ্বাচনৰ ফলাফল ঘোষণাৰ ৫ দিন পাচত মুখ্যমন্ত্ৰীৰ নাম ঘোষণা কৰিছে কংগ্ৰেছ দলে। দ্বিতীয়বাৰৰ বাবে কৰ্ণাটকত মুখ্যমন্ত্ৰী হিচাপে শপত ল’ব ছিদ্দাৰামাইয়াই। ইপিনে উপমুখ্যমন্ত্ৰী হিচাপে শপত ল’ব কৰ্ণাটক কংগ্ৰেছৰ ৰাজ্যিক সভাপতি ডি কে শিৱকুমাৰ। বৃহস্পতিবাৰে কৰ্ণাটকৰ নতুন মুখ্যমন্ত্ৰীৰ নাম ঘোষণা কৰিছে কংগ্ৰেছৰ সাধাৰণ সম্পাদক কেছি বেণুগোপালে। ২০ তাৰিখে অৰ্থাৎ শনিবাৰে বাংগালুৰুত অনুষ্ঠিত হ’ব ছিদ্দাৰামাইয়াৰ শপতগ্ৰহণ অনুষ্ঠান।
উল্লেখ্য যে পূৰ্বেও অৰ্থাৎ ২০১৩ ৰ পৰা ২০১৮ পৰ্যন্ত কৰ্ণাটকৰ মুখ্যমন্ত্ৰী আছিল ছিদ্দাৰামাইয়া। কিন্তু সেইবাৰ ছিদ্দাৰামাইয়া মুখ্যমন্ত্ৰী হৈ থাকোতে মন্ত্ৰীসভাত স্থান পোৱা নাছিল ডি কে শিৱকুমাৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
