কোভিড, অমিক্ৰণৰ পাছত এইবাৰ ‘মাংকী ফিভাৰ’ক লৈ দেশজুৰি সতৰ্কতা জাৰি৷ সতৰ্কতা জাৰি কৰিছে কেৰালা প্ৰশাসনে৷ কেৰালাত চিনাক্ত হৈছে প্ৰথমটো ‘মাংকী ফিভাৰ’ৰ ঘটনা৷ কেৰালাৰ পানাভেলীত এজন লোক ক্যাচানুৰ ফৰেষ্ট ডিজিছ(কেএফডি) চমুকৈ মাংকী ফিভাৰত আক্ৰান্ত হৈছে৷
২০২২ বৰ্ষত কেৰালাত মাংকী ফিভাৰৰ দ্বাৰা আক্ৰান্ত হোৱাৰ এইটো প্ৰথমটো ঘটনা। বৰ্তমান চিকিৎসাধীন অৱস্থাত লোকজন৷ সম্প্ৰতি লোকজনৰ অৱস্থা সুস্থিৰ বুলি চিকিৎসালয় কৰ্তৃপক্ষৰ প্ৰকাশ।
মাংকী ফিভাৰৰ দ্বাৰা আক্ৰান্ত লোকৰ শৰীৰত দেখা দিয়া সাধাৰণ লক্ষণসমূহ হৈছে—
অচেতন হোৱা, বমি, শৰীৰৰ বিষ আৰু জ্বৰ। এইসমূহ লক্ষণ আক্ৰান্ত ব্যক্তিজনৰ শৰীৰত এইসমূহ লক্ষণ ৫-১২ দিন ধৰি থাকে।
উল্লেখ্য, জানুৱাৰী মাহত কৰ্ণাটকতো এজন ব্যক্তিৰ শৰীৰত মাংকী ফিভাৰৰ সংক্ৰমণ ধৰা পৰিছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
