প্ৰতি ডেৰ বছৰৰ অন্তৰে অন্তৰে নিজৰ স্থান পৰিবৰ্তন কৰে কেতুৱে৷ জ্যোতিষশাস্ত্ৰ অনুসৰি কেতু হৈছে নিৰ্দয় আৰু নিৰ্মম গ্ৰহ৷ বিগত ১৮ মে ২০২৫ চনৰ পৰা কেতু সূৰ্যৰ ৰাশি সিংহত অৱস্থান কৰিছে৷ এই গ্ৰহ সকলো সময়তে বক্ৰীদশাত থাকে৷ ৫ ডিচেম্বৰ ২০২৬ত কেতুৱে সিংহ ৰাশি এৰি কৰ্কট ৰাশিত প্ৰৱেশ কৰিব৷ তাৰ পূৰ্বে আগন্তুক বছৰ কেতুৰ প্ৰভাৱত ডাঙৰ লাভ কৰিব চাৰি ৰাশিৰ জাতকে৷ জানক পাপী গ্ৰহ কেতুৱে কাৰ কাৰ ভাগ্য খুলিব?
বৃষ ৰাশি
২০২৬ত কেতুৰ প্ৰভাৱত উত্তৰাধিকাৰী সূত্ৰে সম্পত্তি লাভ কৰিব পাৰে বৃষ ৰাশিৰ জাতকে৷ বিনিয়োগ কৰি উল্লেখযোগ্য ৰিটাৰ্ণ পাব আপুনি৷ মাতৃৰ স্বাস্থ্য পূৰ্বতকৈ ভাল হব৷ হঠাৎ আৰ্থিক লাভ হোৱাৰ কাৰণে বেংক বেলেন্স বাঢ়িব৷ কেৰিয়াৰত বৃহৎ উন্নতি কৰিব পাৰে৷ দৰমহা বাঢ়িব, ব্যৱসায়তো লাভ বাঢ়িব৷
মিথুন ৰাশি
কেতুৰ প্ৰভাৱত আগন্তুক বছৰ বিলাসবহুল জীৱন কটাব পাৰে মিথুন ৰাশিৰ জাতকে৷ অৰ্থ উপাৰ্জনৰ নতুন সুযোগ খুলিব আপোনাৰ সন্মুখত৷ কৰ্মৰতসকলে নিজৰ পৰিশ্ৰমৰ সম্পূৰ্ণ সুফল লাভ কৰিব৷ ধৰ্মীয় বিষয়ত আগ্ৰহ বাঢ়িব পাৰে৷ তীৰ্থযাত্ৰালৈ যাব পাৰে৷ সম্পৰ্কৰ মাজত বুজাপৰা পূৰ্বতলৈ ভাল হব৷
বৃশ্চিক ৰাশি
নানান দিশৰ পৰা ২০২৬ত লাভৱান হ’ব বৃশ্চিক ৰাশিৰ জাতক৷ পাৰিবাৰিক জীৱন খুব সুন্দৰকৈ উপভোগ কৰিব পাৰিব৷ কেৰিয়াৰৰ বাবেও আগন্তুক বছৰ আপোনাৰ বাবে শুভ৷ এটাৰ পাছত আনটো সাফল্য লাভ কৰিব৷ যিসকলে চাকৰি পৰিবৰ্তন কৰাৰ কথা ভাৱিছে তেওঁলোকেও ভাল সুযোগ পাব৷ ব্যৱসায়ীসকলৰ আয় আৰু সন্মান বাঢ়িব৷
মীন ৰাশি
নতুন বছৰত লাভজনক ফল পাব মীন ৰাশিৰ জাতকে৷ এই ৰাশিত শনিৰ চাৰে সাতি দশা থাকিব আগন্তুক বছৰতো৷ সতৰ্কতা অৱলম্বন কৰা জৰুৰী৷ আয় বাঢ়িব, ইয়াৰোপৰি বিলাসিতাতো অতিৰিক্ত খৰচ কৰিব৷ চেলেঞ্জ আহিলেও সেয়া দূৰ কৰি ওলাই আহিব পাৰে৷ স্বাস্থ্যৰ যত্ন লওক৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
