অন্ধ্ৰ প্ৰদেশৰ এটা ৰাসায়নিক কাৰখানাত এক ভয়ংকৰ বিস্ফোৰণ সংঘটিত হৈছে৷ উক্ত বিস্ফোৰণত ৬ গৰাকী লোক নিহত হোৱাৰ লগতে ১৩ গৰাকীকৈ লোক অগ্নিদগ্ধ হৈছে৷
ঘটনাৰ বিৱৰণী অনুসৰি অন্ধ্ৰ প্ৰদেশৰ ইলুৰু জিলাৰ প’ৰাছ লেব’ৰটৰীজত সংঘটিত হয় এই ভয়ংকৰ বিস্ফোৰণটো৷ বুধবাৰে নিশা প্ৰায় ১১.৩০ বজাত সংঘটিত বিস্ফোৰণটোৰ পিছত সূত্ৰপাত হোৱা অগ্নিকাণ্ডত ৬ গৰাকী লোকৰ মৃত্যু হোৱাৰ লগতে অন্য ১৩ গৰাকী লোক আহত হৈছে৷
লগতে পঢ়ক বিষাক্ত কাঠফুলা ভক্ষণ : ৰাজ্যত শিশুসহ ১৩ গৰাকী লোকৰ কৰুণ মৃত্যু
বিস্ফোৰণটো সংঘটিত হোৱাৰ সময়ত কাৰাখানাটোৰ সংশ্লিষ্ট ব্ল’কটোত ৩০ গৰাকী কৰ্মচাৰীয়ে কাম কৰি আছিল৷
আহতসকলক উদ্ধাৰ কৰি ততাতৈয়াকৈ প্ৰথমে সমীপৰ নুজভিড চহৰৰ গিফ্ফাৰ্ড মেম’ৰিয়েল হাস্পতালত ভৰ্তি কৰোৱা হয়৷ অৱশ্যে পিছত উন্নত চিকিৎসাৰ বাবে বিজয়ৱাড়া এখন চিকিৎসালয়ত ভর্তি কৰোৱা হৈছে৷ আহত চাৰিজনৰ অৱস্থা সংকটজনক বুলি চিকিৎসকে ঘোষণা কৰিছে৷
লগতে পঢ়ক হিমাচল প্ৰদেশত নিৰ্বাচন : আপে-এ বিজেপিক দিলে ৪৪০ ভল্টৰ বৈদ্যুতিক আঘাত
জিলাখনৰ আৰক্ষী অধীক্ষক ৰাহুল দেৱ শৰ্মাই প্ৰকাশ কৰা মতে পাইপৰে প্ৰৱাহিত ৰাসায়নিক গেছ লিক্ড হোৱাৰ ফলতে বিস্ফোৰণটো সংঘটিত হয়৷
বিস্ফোৰণৰ পিছতে অন্ধ্ৰ প্ৰদেশৰ মুখ্যমন্ত্ৰী য়াই এছ জগমোহন ৰেড্ডীয়ে শোক প্ৰকাশ কৰা লগতে মৃতসকলৰ পৰিয়ালবৰ্গলৈ ৫ লাখ টকা আৰু আহতসকললৈ ২ লাখ টকা এককালীন আৰ্থিক সাহায্য প্ৰদান কৰাৰ কথা ঘোষণা কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
