বলীউডৰ জনপ্ৰিয় কণ্ঠশিল্পী কে কেৰ ৩১ মে’ত কলকাতাত শেষ নিশ্বাস ত্যাগ কৰে। বুধবাৰে তেওঁৰ মৃতদেহটো মুম্বাইলৈ অনা হয় আৰু আজি অৰ্থাৎ বৃহস্পতিবাৰে ধৰ্মীয় ৰীতি-নীতিয়ে শেষকৃত্য সম্পন্ন কৰা হয়। পত্নী, কন্যা আৰু ভাতৃয়ে কে কে শেষকৃত্যৰ অনুষ্ঠানত উপস্থিত থাকে৷
কে কেৰ মৃত্যুৰ পিছত এতিয়া তেওঁৰ কন্যাই কণ্ঠশিল্পীগৰাকীৰ বিষয়ে এটা পোষ্ট শ্বেয়াৰ কৰিছে। কে কেৰ কন্যা তামাৰাই ছ’চিয়েল মিডিয়াত লিখিছিল, ‘Will always love you and will miss you very much’।
লগতে পঢ়ক ‘মাইণ্ডছেট’ৰ ৰাজনীতি আৰু সফলতাৰ শিখৰত গেৰুৱা বাহিনী
ইয়াৰ লগতে তামাৰাই লিখিছে, ‘‘সদায় ভাল পাই থাকিম পাপা।’’ কন্যা তামৰাই আৰু কয় যে তেওঁৰ পিতৃয়ে পৰিয়ালৰ অতি ঘনিষ্ঠ আছিল। কৰ্মস্থলীৰ পৰা বিৰতি লৈ পৰিয়ালৰ সৈতে সময় কটাবলৈ ভাল পাইছিল। তেওঁ প্ৰায়ে ট্ৰিপত লৈ গৈছিল। কেৱল এয়াই নহয়, তেওঁ পৰিয়ালৰ সৈতে প্ৰতিটো উৎসৱ পালন কৰি ভাল পাইছিল।
উল্লেখ্য যে কে কেৰ কন্যাও এগৰাকী গায়িকা, সুৰকাৰ আৰু প্ৰযোজক। তেওঁৰ ইনষ্টাগ্ৰাম একাউণ্টত তেওঁৰ গীতৰ ভিডিঅ’ শ্বেয়াৰ কৰে। কে কে-য়েও কন্যাৰ ভিডিঅবোৰ লাইক কৰিছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ