ললিত মোদী আৰু সুস্মিতা সেনৰ মাজত ব্ৰেকআপ হৈছে! এই কথা আমি কোৱা নাই, ছ’চিয়েল মিডিয়া ব্যৱহাৰকাৰীসকলেহে এই কথা কৈছে।
কিয় এনেকৈ কৈছে সেই বিষয়ে অলপ তভক লওঁ আহক। দৰাচলতে সুস্মিতা সেনৰ সৈতে সম্পৰ্ক ঘোষণা কৰাৰ পিছতে ললিত মোদীয়ে নিজৰ ইনষ্টাগ্ৰামৰ বায়’ত অভিনেত্ৰীগৰাকীক তেওঁৰ বেটাৰ হাফ বুলি অভিহিত কৰি এটা দীঘলীয়া পোষ্ট লিখিছিল। ইয়াৰ লগতে ডি পিত সুস্মিতাৰ সৈতে থকা যুগ্ম ফ’টোও লগাইছিল। কিন্তু এতিয়া ললিত মোদীয়ে তেওঁৰ ছ’চিয়েল মিডিয়াৰ ডি পি আৰু বায়’ৰ পৰা আঁতৰাই পেলাইছে অভিনেত্ৰীগৰাকীৰ নাম আৰু ফ’টো।
ললিত মোদীয়ে ১৫ জুলাইৰ আশে-পাশে ইনষ্টাগ্ৰামত নিজৰ প্ৰফাইল পিকচাৰ সলনি কৰিছিল। এই ফ’টোখনত তেওঁক সুস্মিতা সেনৰ সৈতে দেখা গৈছিল। ইয়াৰ লগতে ললিত মোদীয়ে ইনষ্টাগ্ৰামৰ বায়’ত লিখিছিল যে তেওঁ সুস্মিতা সেনৰ সৈতে এক নতুন জীৱন আৰম্ভ কৰিছে। সুস্মিতা সেনক ললিত মোদীয়ে ‘পাৰ্টনাৰ ইন ক্ৰাইম’ আৰু ‘মাই লাভ’ বুলিও সম্বোধন কৰিছিল।
লগতে পঢ়ক স্নাতকোত্তৰত সোণৰ পদক, বলিউদৰ ছবিত অভিনয়, UPSCৰ প্ৰথম প্ৰচেষ্টাতে সফলতা সুন্দৰী ছিমলাৰ
একে সময়তে ঘোষণাৰ মাত্ৰ ডেৰ মাহ পিছতেই ললিত মোদীয়ে তেওঁৰ প্ৰফাইল আৰু ইনষ্টা বায়’ৰ পৰা সুস্মিতাৰ ফ’টো আৰু নাম আঁতৰাই পেলাইছে। ললিত মোদীৰ নতুন প্ৰফাইলত হাঁহি থকা দেখা গৈছে। ফটোখনৰ বেকগ্ৰাউণ্ডত আই পি এল লিখা দেখা গৈছে। একে সময়তে ইনষ্টা বায়’ত ললিত মোদীয়ে নিজকে আই পি এলৰ প্ৰতিষ্ঠাপক বুলি অভিহিত কৰিছে।
ললিত মোদীয়ে নিজৰ প্ৰফাইলত সালসলনি কৰাৰ পিছৰে পৰা দুয়োৰে বিচ্ছেদক লৈ নেটনাগৰিকৰ মাজত জল্পনা-কল্পনা আৰম্ভ হৈছে। নেটনাগৰিকে ছ’চিয়েল মিডিয়াত বিভিন্ন ধৰণৰ প্ৰতিক্ৰিয়া দি আছে। ইউজাৰসকলে চ’ছিয়েল মিডিয়াত লিখিছে যে ললিত মোদীয়ে তেওঁৰ বায়’ সলনি কৰিছে। সি আৰু সুস্মিতাৰ মাজত বিচ্ছেদ ঘটিছে নেকি?
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
