অতিকে শোকাৱহ, কৰিমগঞ্জত একেটা পৰিয়ালৰে ৫ জন নিহত
পুৱাই আহে এক অতিকে শোকাৱহ খবৰ। একেটা পৰিয়ালৰে ৫ জনৰ কৰুণ মৃত্যু। কৰিমঞ্জত ভূমিস্খলন হৈ মৃত্যুক সাৱটি লয় পৰিয়ালটোৰ ৫ জন সদস্যই।
ধাৰাসাৰ বৰষুণৰ ফলত সংঘটিত হয় ভয়ংকৰ ভূমিস্খলন। ভয়ংকৰ ভূমিস্খলনৰ ফলত কৰিমগঞ্জ জিলাৰ বদৰপুৰত একেটা পৰিয়ালৰ ৫ জন লোকৰ মৃত্যু হয়। নিশা শুই থকা অৱস্থাতে মাটি খহি আহি হেচা মাৰি ধৰে পৰিয়ালটোক।
বদৰপুৰৰ বেণ্ডাৰগোল এলেকাৰ তাজুৰতল গাঁৱত সংগঠিত হয় এই ভয়ংকৰ দুৰ্ঘটনাটো। ভূমিস্খলনৰ ফলত আব্দুল কৰিম নামৰ লোকগৰাকীৰ পৰিয়ালৰ ৫জন লোকৰ মৃত্যু হয়।
ঘটনাৰ বিষয়ে খবৰ লাভৰ পাছতে ঘটনাস্থলীত উপস্থিত হয় বদৰপুৰ আৰক্ষী আৰু ৰাজ্যিক উদ্ধাৰকাৰী দল। উপস্থিত হৈয়ে মাটিত পোত যোৱা অৱস্থাৰ পৰা মাটি খান্দি উদ্ধাৰ কাৰ্য চলাই উদ্ধাৰ কৰে মৃতদেহ কেইটি।
ঘটমাটোত আব্দুল কৰিমৰ পত্নীৰ লগতে কন্যা আৰু নাতিৰ মৃত্যু হয়। মৃত্যুবৰণ কৰা কেইজন- আব্দুল কৰিমৰ পত্নী ৰাইমুননেছা বেগম (৫৫), কন্যা শ্বাহেদা খানম (১৮), কন্যা জাহেদা খানম(১৬), কন্যা হামিদা খানম (১১) আৰু নাতি মেহেদি হাছান(৩)। এই ঘটনা নিশা প্ৰায় ১২ বজাত সংঘটিত হয়
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
