পাক সন্ত্ৰাসবাদী গোষ্ঠী লস্কৰ ই তৈবাৰ প্ৰতিষ্ঠাতা সদস্য সন্ত্ৰাসবাদী আমিৰ হামজাক লক্ষ্য কৰি গুলি চলাইছে অজ্ঞাত পৰিচয়ৰ দুষ্কৃতিকাৰীয়ে৷ তেওঁক গুৰুতৰভাৱে আঘাতপ্ৰাপ্ত অৱস্থাত ভৰ্তি কৰোৱা হৈছে৷ স্থানীয় বেছ কেইবাটাও সংবাদমাধ্যমৰ প্ৰতিবেদন অনুসৰি লাহৌৰৰ এক সংবাদমাধ্যমৰ দপ্তৰৰ সন্মুখত তেওঁক গুলি কৰা হৈছে৷
লস্কৰ প্ৰধান হাফিজ ছৈফৰ ঘনিষ্ঠ আছিল হামজা৷ তেওঁ লস্কৰৰ সহ প্ৰতিষ্ঠাতাও আছিল৷ তেওঁৰ বিৰুদ্ধে বহু সন্ত্ৰাসবাদী কাৰ্যকলাপৰ অভিযোগ আছে৷ ভাৰতত কেইবাটাও আক্ৰমণত তেওঁ জড়িত থকা বুলি সূত্ৰৰ খবৰ৷ হামজা আফগান মুজাহিদিন৷ তেওঁ বক্তৃতা আৰু লেখাৰ বাবে পৰিচিত৷ এসময়ত লস্কৰ পৰিচালিত প্ৰকাশনাৰ সম্পাদকৰ দায়িত্বতো তেওঁ আছিল৷ তেওঁৰ কেইবাখনো গ্ৰন্থও আছে৷ ২০০২ চনত কাফিলা দাৱাত ঔৰ ছাহাদাত গ্ৰন্থখনো লিখিছিল হামজাই৷
আমেৰিকাৰ ট্ৰেজাৰি দপ্তৰৰ ব্লেক লিষ্টৰ তালিকাত আছে এই পাক সন্ত্ৰাসবাদী হামজা৷ সূত্ৰৰ খবৰ অনুসৰি লস্কৰৰ কেন্দ্ৰীয় কমিটিৰ দায়িত্ব সামৰিছিল হামজাইই৷ অৰ্থ সংগ্ৰহ কৰা, সন্ত্ৰাসবাদী দলত নিয়োগ, ধৃত সন্ত্ৰাসবাদী আঁতৰোৱাৰ বাবে বুজাপৰা আৰু আলোচনা চলোৱা ইত্যাদি গুৰুত্বপূৰ্ণ ভূমিকা আছে তেওঁৰ৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
