অসম লাইভ২৪ঃ সুৰ-সাম্ৰাজ্ঞী লতা মংগেশকাৰৰ ওপজা দিন। ৯৩ সংখ্যক ওপজা দিনত দেশজুৰি স্মৰণ কৰা হৈছে সুৰ সাম্ৰাজ্ঞী লতাজীক। কায়িকভাৱে বিদায় মাগিলেও তেওঁৰ গীতে আজীৱন তেওঁক জীয়াই ৰাখিব সেই কথাই পুনৰ যেন প্ৰকাশ হৈছে। সুৰ সাম্ৰাজ্ঞীৰ প্ৰতি শ্ৰদ্ধা জনাই প্ৰধানমন্ত্ৰী নৰেন্দ্ৰ মোদীয়েও লৈছে বিশেষ পদক্ষেপ। লতাজীৰ প্ৰতি শ্ৰদ্ধা জনাই গুজৰাটত নিৰ্মাণ কৰা হৈছে ৪০ ফুট উচ্চতাৰ এটা বীণা।
ভাৰতৰত্ন লতাজীৰ স্মৰণত নিৰ্মাণ কৰা ৪০ ফুট উচ্চতাৰ বীণাখন ভাৰ্ছুৱেলযোগে মোদীজীয়ে উদ্বোধন কৰিব। ইপিনে বুধবাৰে পুৱাই প্ৰধানমন্ত্ৰী মোদীয়ে টুইটযোগে লতাজীক স্মৰণ কৰিছে। উত্তৰপ্ৰদেশৰ অযোধ্যাতো লতাজীৰ প্ৰতি শ্ৰদ্ধা জনাই আয়োজন কৰা হৈছে বিশেষ অনুষ্ঠানৰ। প্ৰধানমন্ত্ৰীয়ে প্ৰকাশ কৰা অনুসৰি এইয়া দেশৰ শ্ৰেষ্ঠ সন্তানৰ প্ৰতি যোগ্য শ্ৰদ্ধাঞ্জলী।
লতা মংগেশকাৰৰ স্মৰণত উত্তৰ প্ৰদেশৰ অযোধ্যাত নিৰ্মাণ কৰা ৮০ ফুট উচ্চতাৰ এই বীণাখনৰ আছে বিশেষ বৈশিষ্ট্য। নিৰ্মীত বীণাখনৰ ওজনেই প্ৰায় ১৪টন। কালজয়ী শিল্পীগৰাকীৰ ৯৩ সংখ্যক ওপজাদিনত অযোধ্যাত লতা মংগেশকাৰ চকো উদ্বোধন কৰা হৈছে। এই উদ্বোধনীত প্ৰধানমন্ত্ৰী মোদীয়েও ভাৰ্ছুৱেল ভাষণ আগবঢ়াব বুলি আয়োজকে সংবাদমাধ্যমৰ আগত ব্যক্ত কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
