অসম লাইভ২৪ঃ পাকিস্তানক লৈ আমাৰ ভাৰতীয় সকলৰ মাজত নানা প্ৰশ্ন উত্থাপিত হয়। কোনোৱে পাকিস্তানীসকলৰ জীৱনপ্রণালী সম্পৰ্কে জানিবলৈ আগ্ৰহী যদি কোনোবাজনে আকৌ পাকিস্তানৰ খাদ্য সম্ভাৰ সম্পৰ্কে জানিবলৈ আগ্ৰহী। বহুতেই আকৌ সেই দেশৰ সংস্কৃতি সম্পৰ্কে জানিবলৈ আগ্ৰহী। ইয়াৰ মাজতেই বহুসংখ্যকে আকৌ গুগলত চাৰ্ছ কৰিছে পাকিস্তানৰ অন্য এক বিষয়।
গুগলত বহুসংখ্যকে চাৰ্ছ কৰিছে, পাকিস্তানৰ সাধাৰণ জনতাই সুৰাপান কৰেনে? বিশ্বৰ প্ৰায়সংখ্যক মুছলমান দেশতেই মদ্যপান একেবাৰে নিষিদ্ধ। তেন্তে পাকিস্তানৰ দৰে কট্টৰ ইছলামিক দেশৰ জনতাই সুৰাপান কৰেনে? পাকিস্তানলৈ অন্য দেশৰ পৰা ফুৰিবলৈ গ’লে সুৰাপান কৰিব পাৰিবনে? আপোনাৰো যদি পাকিস্তানলৈ ফুৰিবলৈ যোৱাৰ পৰিকল্পনা আছে তেন্তে জানি লওক এই দেশৰ সকলো তথ্য।
ইছলামিক দেশত আছে কেইবাখনো আইন
পাকিস্তান ইছলাম ধৰ্মাৱলম্বীৰ দেশ হোৱাৰ কাৰণে পাকিস্তানত সুৰাপানৰ নিয়ম অন্য ৫খন ইছলামিক দেশতকৈ বেলেগ। সেই দেশত আমাৰ দেশৰ দৰে আপুনি সুৰা ক্ৰয় কৰিবলৈ নাপায়। সুৰা ক্ৰয় কৰিলেও য’তে ত’তে সুৰাপান কৰিব নোৱাৰিব। পৰ্যটকেও সেই নিয়ম মানি চলাটো বাধ্যতামূলক।
পাকিস্তানত এলকহল সংক্ৰান্তিয় কি নিয়ম আছে?
১৯৪৭ চনত ভাৰত আৰু পাকিস্তানে একেলগে স্বাধীনতা লাভ কৰিছিল। ভাৰতৰ সকলোতকৈ চৰ্চিত প্ৰতিবেশী ৰাষ্ট্ৰ হৈছে পাকিস্তান। উভয় দেশৰ ভিত্তি একে হ’লেও দুই দেশৰ নীতি-নিয়ম কিন্তু সম্পূৰ্ণ বিপৰীত। আমাৰ দেশৰ বহু নিয়মেই পাকিস্তানত লাঘু নহয়। যেনে মদ্যপানৰ কথাটো। ইছলাম ধৰ্মাৱলম্বী দেশ হোৱা সত্ত্বেও পাকিস্তানৰ সুৰা সংক্ৰান্তিয় আইন সম্পূৰ্ণ পৃথক। উল্লেখ্য যে ১৯৭০ চন পৰ্যন্ত পাকিস্তানত প্ৰকাশ্যে সুৰা বিক্ৰি কৰা হৈছিল। তাৰপাছতেই পাকিস্তানত আৰম্ভ হয় ভুট্টো চৰকাৰ। ভুট্টো চৰকাৰে শাসনভাৰ লৈয়েই মুছলমান নাগৰিকৰ বাবে সুৰাৰ ওপৰত কেইবাটাও নিষেধাজ্ঞা জাৰি কৰে।
মদ্যপানৰ বাবে প্ৰয়োজন অনুমতিৰ
প্ৰকাশ্যে মদ বিক্ৰি বন্ধৰ নিৰ্দেশ জাৰিৰ পাছতেই দেশজুৰি মুছলমান জনগণই প্ৰকাশ্যে সুৰা ক্ৰয় কৰা নাই। পাকিস্তানত সুৰা সংক্ৰান্তিয় কোনো বিজ্ঞাপনো দেখা নাযায়। সেই দেশত কেৱল সংখ্যালঘু লোকসকলেহে সুৰাপান কৰে। কিন্তু এই সুৰাপানৰ বাবে তেওঁলোকেও অনুমতি ল’ব লাগে। অৱশ্যে সুৰাপান কৰিলেও বাটে-ঘাটে পৰি থকাকৈ পাকিস্তানত কোনোৱে সুৰাপান কৰিব নোৱাৰে।
পাকিস্তানত মদৰ বাবেও পাৰমিট তৈয়াৰ কৰা হয় আৰু ইয়াৰ ফলক সীমিত পৰিমাণৰ মদ সেৱন কৰিব পাৰে। পাৰমিটেৰে কেৱল ১০০ বটল বিয়েৰ আৰু ৫ বটল সুৰাহে ক্ৰয় কৰিব পাৰিব। সকলোৰে ক্ষেত্ৰতেই এই নিয়ম প্ৰযোজ্য।
পাকিস্তানৰ বহু হোটেলতেই সুৰা পোৱা যায়
পাকিস্তানৰ বহু হোটেলতেই সুৰা পোৱা যায়। কিন্তু প্ৰকাশ্যে কোনোৱে সুৰা বিক্ৰি নকৰে। এই দেশত শুকুৰবাৰে সকলো সুৰাৰ বিপনী বন্ধ থাকে। পাকিস্তানত সুৰা ক্ৰয় কৰিবলৈ চৰকাৰী দপ্তৰৰ পৰা সুৰাৰ পাৰমিট ল’ব লাগে সুৰাপায়ীয়ে। কোনো বিদেশী যদি পাকিস্তানলৈ যায় তেন্তে অনুমতি অবিহনে সুৰা তেওঁলোকেও ক্ৰয় কৰিব নোৱাৰে। বিদেশীসকলেও এই ক্ষেত্ৰত পাৰমিট ল’ব লাগে। কোনোৱে যদি সেই দেশত বসতি স্থাপনৰ কথা ভাৱিছে তেন্তে সুৰাৰ পাৰমিটৰ বাবেও পূৰ্বেই আৱেদন কৰিব লাগিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
