হাউলী ৰাস, নলবাৰী ৰাসৰ লটাৰীৰ ভৱিষ্যত কি ! লগতে বন্ধ উৰুকা ধামাকা
ৰাস মানেই সমগ্ৰ ৰাজ্যত হাউলী ৰাসৰ লটাৰীক লৈ হৈ চৈ । কেৱল বৰপেটাতে নহয়, সমগ্ৰ ৰাজ্যতে সিঁচৰিত হৈ পৰে হাউলী ৰাসৰ বিশেষ আকৰ্ষণীয় লটাৰী খেলৰ টিকট। বহু নামী দামী বাহনৰ নাম থাকে হাউলী ৰাসৰ লটাৰীৰ টিকটত।
নলবাৰীৰ ৰাসৰো লটাৰী কোনো গুণে কম নহয়। দুয়োখন লটাৰীয়ে ৰাজ্যজুৰি বিশেষ আকৰ্ষণৰ কেন্দ্ৰবিন্দু হৈ পৰে। পাছে এতিয়া এই দুয়োখন লটাৰীখেলৰে ভৱিষ্যত কি। অনুষ্ঠিত কৰিব পাৰিব নে এই লটাৰী খেল।
কিয়নো আজি ৩ অক্টোবৰ তাৰিখে গুৱাহাটী উচ্চ ন্যায়ালয়ে এক বিশেষ ৰায়দান দিয়ে। এতিয়াৰে পৰা ৰাজ্যত অনুষ্ঠিত কৰিব নোলৱাৰিব কোনোধৰণৰ লটাৰী খেল। ইয়াক নিষিদ্ধ ঘোষণা উচ্চ ন্যায়ালয়ৰ। লগতে এতিয়াৰ পৰা কোনো কাৰণতে যাতে কোনেও অন লাইন অথবা অফলাইন লটাৰী খেল অনুষ্ঠিত নহয়, তাৰ ব্যৱস্থা গ্ৰহণৰ নিৰ্দেশ।
এই লটাৰী প্ৰতিযোগিতাৰ জৰিয়তে একাংশই প্ৰৱঞ্চনাৰ বৃহৎ জাল মেলিছে। বহুতেই প্ৰতিযোগিতাখন অনুষ্ঠিত কৰিও পুৰস্কাৰ নিদিয়া, পুৰস্কাৰৰ বিপৰীতে নামমাত্ৰ ধন আদায় দিয়া, ফলাফল বিসংগতি কৰা আদি অনেক অভিযোগ কৰিছে। ৰাজ্যৰ কেইবাখনো জিলাত এনে লটাৰী প্ৰতিযোগিতাৰ বিৰুদ্ধে এজাহাৰো দাখিল হৈছে।
ৰক্ষীৰ ওচৰত এনে বহু গোচৰ উত্থাপন হোৱাৰ পাছতো কোনো বিহিত ব্যৱস্থা গ্ৰহণ নকৰাত অৱশেষত ন্যায়ালয়ে ইয়াত হস্তক্ষেপ কৰি এই লটাৰী খেলেই নিষিদ্ধ কৰি দিয়ে। লগতে এই খেল অনুষ্ঠিত কৰা কমিটি বোৰৰ বিৰুদ্ধেও ব্যৱস্থা লোৱাৰ নিৰ্দেশনা। এতিয়াৰ পৰা কোনো ধৰণৰ লটাৰী অনুষ্ঠিত কৰিব নোৱাৰিব ৰাজ্যত।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
