হিন্দু পৰিচয় দাঙি ধৰি এগৰাকী হিন্দু মহিলাক বিয়া কৰোৱাৰ অভিযোগ তুলি এজন লোকৰ বিৰুদ্ধে এজাহাৰ দাখিল কৰিছে নিজ পত্নীয়ে৷ লাভ জেহাদ বুলি অভিযোগ উত্থাপন কৰা ঘটনাটো সংঘটিত হৈছে ঝাৰখণ্ডত৷
বুধবাৰে মেৰাল আৰক্ষী থানাৰ এগৰাকী আৰক্ষী বিষয়াই প্ৰকাশ কৰা অনুসৰি হিন্দু পৰিচয় দি হিন্দু যুৱতীক বিয়া কৰোৱাৰ অভিযোগ তুলি ভুক্তভোগী পূজা সিঙে স্বামীৰ বিৰুদ্ধে আৰক্ষী থানাত অভিযোগ দাখিল কৰিছে।
আৰক্ষী বিষয়াজনে সদৰী কৰা মতে পত্নীৰ এজাহাৰৰ ভিত্তিত মেৰাল থানা এলেকাৰ অন্তৰ্গত এখন গাঁৱত বাস কৰা আফতাব আনছাৰীৰ বিৰুদ্ধে গোচৰ ৰুজু কৰা হৈছে। বিবাহৰ পূৰ্বে আফতাব আনছাৰীয়ে নিজৰ ধৰ্মীয় পৰিচয় গোপনে ৰাখি নিজকে হিন্দু পৰিচয় দি বিবাহপাশত আৱদ্ধ হৈছিল৷
লগতে পঢ়ক দুই দলিত কিশোৰী ভগ্নীক গণ ধৰ্ষণ কৰি হত্যা, হত্যা কৰি গছত ওলমাই থ’লে মৃতদেহ
মেৰালৰ চক্ৰ আৰক্ষী পৰিদৰ্শক এ কে চাহুৱে জনোৱা মতে, এতিয়া দম্পতীহালৰ এগৰাকী কন্যা সন্তান আছে। পূজা সিঙে দাখিল কৰা এফআইআৰ অনুসৰি উত্তৰ প্ৰদেশৰ চোপান থানা এলেকাত অৱস্থিত গাঁওখনত আফতাবৰ এখন ঔষধৰ দোকান আছিল, য’ত দুয়োজনৰ প্ৰথমবাৰ বাবে সাক্ষাৎ ঘটিছিল।
এজাহাৰত উল্লেখ কৰা অনুসৰি আফতাবে নিজৰ নাম পুষেন্দ্ৰ সিং বুলি কৈ নিজকে উত্তৰ প্ৰদেশৰ মিৰ্জাপুৰৰ ৰাজপুত সম্প্ৰদায়ৰ দাবী কৰিছিল। পূজা সিঙৰ মতে ঘৰৰ পৰা আফতাবৰ সৈতে পলায়ন কৰি মন্দিৰত বিয়া কৰাই মিৰ্জাপুৰৰ ভাড়াঘৰত থাকিবলৈ আৰম্ভ কৰে। মিৰ্জাপুৰত ভাড়াঘৰত থকাৰ বাবেই স্বামীৰ প্ৰকৃত পৰিচয় ফাদিল হোৱা নাছিল৷
অভিযোগ অনুসৰি, অলপতে স্বামীৰ আইতাকৰ মৃত্যু হোৱাত পূজা সিঙে স্বামীৰ সৈতে স্বামীৰ পৈতৃক গাঁৱলৈ যাওঁতেহে স্বামীৰ প্ৰকৃত পৰিচয় ফাদিল হয়৷ স্বামীৰ পৈতৃক গৃহত উপস্থিত হোৱাৰ পাছতে পত্নীয়ে স্বামীৰ প্ৰকৃত নাম আফতাব আনছাৰী বুলি জানিব পাৰে৷
লগতে পঢ়ক সুৰাই আমুৱাইছে নেকি সুৰাপায়ীক! দিয়া হৈছে বাম্পাৰ অফাৰ এবটল কিনিলে এবটল ফ্ৰী
এজাহাৰত উল্লেখ কৰা মতে আইতাকৰ কামকাজ কৰি স্বামীৰ পৈতৃক গৃহৰ পৰা মিৰ্জাপুৰলৈ ওভতি অহাৰ পাছতে পূজা সিঙে এটি কন্যা সন্তান জন্ম দিয়ে৷ ইয়াৰ পাছতে আফতাব এদিন হঠাতে পত্নীসহ কন্যা সন্তানক এৰি নিৰুদ্দেশ হয়।
পূজা সিঙে অভিযোগ কৰা মতে ইয়াৰ পাছতে স্বামীৰ সন্ধানত আফতাবৰ পৈতৃক গৃহলৈ পুনৰ আহে যদিও আফতাবৰ পৰিয়ালৰ লোকে তেওঁ আক্ৰমণ কৰি ঘৰত সোমাবলৈ নিদিয়ে।
ইফালে কিছুদিনৰ পৰা স্বামী আৰু শহুৰেকে ফোনযোগে পূজা সিঙক ভাবুকি দি থকাৰ অভিযোগ উত্থাপন কৰিছে। আৰক্ষী বিষয়াগৰাকীয়ে কয় যে মঙলবাৰে আফতাব আনছাৰীৰ বিৰুদ্ধে গোচৰ ৰুজু কৰি ঘটনা সন্দৰ্ভত তদন্ত আৰম্ভ কৰা হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
