ঘৰুৱা এল পি জি চিলিণ্ডাৰ ব্যৱহাৰ কৰা গ্ৰাহকৰ বাবে এটা ডাঙৰ খবৰ। এল পি জি চিলিণ্ডাৰ পুনৰ বুকিং কৰাৰ নিয়ম সলনি কৰিলে চৰকাৰে। এতিয়া চহৰ আৰু গ্ৰাম্য উভয় অঞ্চলৰ গ্ৰাহকে ২৫ দিনৰ ব্যৱধানৰ পিছত নতুন চিলিণ্ডাৰ বুকিং কৰিব পাৰিব। ২০২৬ চনৰ ৭ ছেপ্টেম্বৰ সোমবাৰে পেট্ৰলিয়াম আৰু প্ৰাকৃতিক গেছ মন্ত্ৰালয়ে চৰকাৰী তেল কোম্পানী ইণ্ডিয়ান অইল, ভাৰত পেট্ৰলিয়াম, আৰু হিন্দুস্তান পেট্ৰলিয়ামক এই নিয়ম সমগ্ৰ দেশতে একেদৰে কাৰ্যকৰী কৰিবলৈ নিৰ্দেশ দিয়ে। লগে লগে কাৰ্যকৰী হৈছে এই নতুন নিয়ম।
দৰাচলতে ২০২৬ চনৰ ফেব্ৰুৱাৰী মাহত পশ্চিম এছিয়াত সংঘাত আৰম্ভ হোৱাৰ পিছত এল পি জি যোগানৰ ওপৰত চাপ বাঢ়িছিল। গেছ চিলিণ্ডাৰৰ চাহিদা নিয়ন্ত্ৰণ কৰিবলৈ চৰকাৰে নূন্যতম বুকিং সময় নিৰ্ধাৰণ কৰিছিল। সেই সময়ত নগৰীয়া গ্ৰাহকৰ বাবে ২৫ দিন আৰু গ্ৰাম্য গ্ৰাহকৰ বাবে ৪৫ দিনত পুনৰ বুকিং সীমিত আছিল। ইয়াক অস্থায়ী ব্যৱস্থা হিচাপে কাৰ্যকৰী কৰা হৈছিল।
২৫ দিনৰ পিছত পৰৱৰ্তী চিলিণ্ডাৰ বুকিং হ’ব
মন্ত্ৰালয়ৰ মতে, বিগত বছৰৰ তুলনাত এল পি জি চিলিণ্ডাৰৰ যোগানৰ পৰিস্থিতি উন্নত হৈছে, আৰু বুকিং বেকলগ যথেষ্ট হ্ৰাস পাইছে। ইয়াৰ পোহৰত চৰকাৰে চহৰ আৰু গ্ৰাম্য গ্ৰাহকৰ মাজত থকা ব্যৱধান দূৰ কৰাৰ সিদ্ধান্ত গ্ৰহণ কৰিছে। এতিয়া সমগ্ৰ দেশৰ সকলো ঘৰুৱা এল পি জি গ্ৰাহকৰ বুকিং সময় হ’ব ২৫ দিন। অৰ্থাৎ গ্ৰামাঞ্চলৰ গ্ৰাহকে আৰু ৪৫ দিন অপেক্ষা কৰিব নালাগিব।
(এই তথ্য যুগুতাইছে বৰষা মিশ্ৰই)
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
