অসম লাইভ২৪ঃ আকৌ বাঢ়িল চিলিণ্ডাৰৰ দাম। এক ধাক্কাতেই এইবাৰ ১০০ টকাতকৈয়ো অধিক বৃদ্ধি হ’ল বাণিজ্যিক চিলিণ্ডাৰৰ দাম। বুধবাৰে অৰ্থাৎ ১ নৱেম্বৰৰ পৰা এই নতুন দাম কাৰ্যকৰী হৈছে সমগ্ৰ দেশতে। কেন্দ্ৰই জনোৱা অনু,কি তৈল সংস্থাসমূহৰ তৰফৰ পৰা জনোৱা অনুসৰি তেল সংস্থাসমূহে দাম বৃদ্ধি কৰাৰ বাবেই দাম বাঢ়িছে বাণিজ্যিক চিলিণ্ডাৰৰ। ১৯ কিঃগ্ৰাঃৰ বাণিজ্যিক চিলিণ্ডাৰৰ দাম বৃদ্ধিৰ পাছতেই এতিয়া সৰু-বৰ ৰেস্তোৰা, হোটেল আদিত খাদ্যৰ দাম বৃদ্ধি হোৱাৰো চৰ্চা আৰম্ভ হৈছে। এই দাম বৃদ্ধিয়ে সমস্ত ক্ষেত্ৰকেই প্ৰভাৱ পেলাব বুলি জনাইছে।
দেশৰ সমস্ত মেট্ৰো চহৰত বুধবাৰৰ পৰা নতুন দামত বিক্ৰী হ’ব বাণিজ্যিক এল পিজি গেছৰ চিলিণ্ডাৰ। দিল্লীত ১৯ কিঃগ্ৰাঃ গেছ চিলিণ্ডাৰ বিক্ৰি হ’ব ১৮৩৩টকাত। কলকাতাত বাণিজ্যিক চিলিণ্ডাৰৰ দাম ১৯৪৩টকা, মুম্বাইত ১৭৮৫টকা, বাংগালুৰুত ১৯১৪.৫০টকা, চেন্নাইত ১৯৯৯.৫০টকা দামত ক্ৰয় কৰিব পাৰিব বাণিজ্যিক চিলিণ্ডাৰ। বিগত দুমাহৰ ভিতৰতেই দুবাৰকৈ দাম বৃদ্ধি পালে বাণিজ্যিক চিলিণ্ডাৰৰ। বৰ্তমান গুৱাহাটী মহানগৰীত বাণিজ্যিক চিলিণ্ডাৰৰ দাম হৈছেগৈ প্ৰায় ২০০০ টকা।
বিগত ছেপ্টেম্বৰ মাহত দেশজুৰি বাণিজ্যিক চিলিণ্ডাৰৰ দাম ১৫৭ টকাকৈ কমিছিল যদিও অক্টোবৰ মাহত গেছ চিলিণ্ডাৰৰ দাম আকৌ বৃদ্ধি পাইছিল। প্ৰায় ২০৬টকাকৈ অক্টোবৰত বৃদ্ধি পোৱাৰ পাছতেই নৱেম্বৰৰ ১তাৰিখে পুনৰ ১০৩ টকা বৃদ্ধি পালে বাণিজ্যিক চিলিণ্ডাৰৰ দাম।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
