আজিৰে পৰা মহাকুম্ভ, ১৪৪ বছৰৰ পাছত অনুষ্ঠিত হোৱা মহাকুম্ভত কোটি কোটি মানুহ
আজিৰে পৰা মহাকুম্ভ। পবিত্ৰ স্নানেৰে আৰম্ভ হৈছে আজিৰ প্ৰথম দিন। লাখ লাখ ভক্তই গা ধুবলৈ আৰম্ভ কৰিছে। অনুমান কৰা হৈছে যে এইবাৰ মহাকুম্ভত ৪০ কোটিৰো অধিক ভক্তই পবিত্ৰ স্নান কৰিব।
উত্তৰ প্ৰদেশৰ প্ৰয়াগৰাজত আৰম্ভ হৈছে মহা কুম্ভ মেলাৰ ঐশ্বৰিক আয়োজন। পুহ মাহৰ পূৰ্ণিমাৰ পৰা আৰম্ভ হৈ ২৬ ফেব্ৰুৱাৰীলৈকে চলিবলগীয়া মহাকুম্ভৰ কাম আৰম্ভ হৈছে। এইবাৰ মহাকুম্ভত ৪০ কোটিৰো অধিক ভক্তই অংশগ্ৰহণ কৰিব বুলি অনুমান কৰা হৈছে।
মহাকুম্ভৰ প্ৰথম দিনাৰ পৰাই প্ৰয়াগৰাজত সমবেত হৈছে ভক্তৰ বিপুল ভিৰ। ত্ৰিবেণী সংগমত পবিত্ৰ স্নান কৰিছে হাজাৰ হাজাৰ ভক্তই। এই পৰ্যন্ত ৬০ লাখ ভক্তই সংগম পাৰত স্নান কৰিছে। এই সংগম হৈছে গংগা, যমুনা আৰু ‘ৰহস্যময়’ সৰস্বতী নদীৰ পবিত্ৰ সংগম।
১৪৪ বছৰৰ পাছত এক বিৰল কাকতলীয়া কাণ্ডত দেওবাৰে মাজনিশা সংগমত পুহৰ পূৰ্ণিমাৰ দিনৰ পৰা আৰম্ভ হৈছে এই মহাকুম্ভ। গংগা, যমুনা আৰু সৰস্বতীৰ ত্ৰিবেণীৰ পাৰত ৪৫ দিন ধৰি চলিব এই মেলা। এই মহাকুম্ভত দেশৰ বিভিন্ন প্ৰান্তৰ পৰা ৪৫ কোটি ভক্ত, সাধু, ভক্ত, কল্পবাসী আৰু অতিথিয়ে আগমণ কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
