বিবাহ কেৱল শাৰীৰিক প্ৰয়োজন পূৰণ কৰাৰ কাৰণেই নহয়, বিবাহৰ প্ৰকৃত উদ্দেশ্য হ’ল সন্তান জন্ম দিয়াহে। বিচ্ছেদিত দম্পতীৰ সন্তানৰ তত্ত্বাৱধান কাৰ হাতত থাকিব? মাদ্ৰাছ উচ্চ ন্যায়ালয়ৰ ন্যায়াধীশ কৃষ্ণন ৰামাস্বামীয়ে ইয়াৰ সৈতে জড়িত এটা গোচৰৰ ৰায়দানৰ সময়ত এই কথা কয়।
শেহতীয়াকৈ এগৰাকী মহিলা অধিবক্তাই আদালতত অভিযোগ কৰিছে যে তেওঁ আৰু তেওঁৰ স্বামীয়ে বৰ্তমান পৃথকে পৃথকে বাস কৰি আছে। তেওঁৰ দুই সন্তান স্বামীৰ লগত থাকে।
কিন্তু বিচ্ছিন্ন হোৱাৰ পাছৰে পৰা তেওঁৰ স্বামী আৰু শহুৰেকে তেওঁক দুই সন্তানক সাক্ষাৎ কৰিবলৈ দিয়া নাই।
লগতে পঢ়ক মিছিং ভাষাৰ মেল’ড্ৰামাবিহীন এখন সুষম ছবি ‘বুম্বা ৰাইড’
২০০৯ চনত দুয়োৰে বিবাহ হৈছিল। ২০২১ চনৰ এপ্ৰিল মাহৰ পৰা তেওঁলোকে পৃথকে পৃথকে থাকিবলৈ আৰম্ভ কৰে। শহুৰেকৰ ঘৰৰ বিপৰীত ফালে থকা এটা সুকীয়া ফ্লেটত থাকে মহিলাগৰাকী। মহিলাগৰাকীয়ে অভিযোগ কৰে যে তেওঁক সাক্ষাতত বাধা প্ৰদান কৰাই নহয় শহুৰেকেও তেওঁৰ দুটা সন্তানক তেওঁৰ বিষয়ে বেয়াকৈও কয়।
সেই গোচৰৰ শুনানিৰ সময়ত ন্যায়াধীশগৰাকীয়ে কয় যে যিসকলে বিবাহপাশত আবদ্ধ হৈছে তেওঁলোকে মনত ৰাখিব লাগে যে বিবাহ কেৱল দৈহিক সন্তুষ্টিৰ বাবেই নহয়, বিবাহৰ প্ৰকৃত উদ্দেশ্য হৈছে সন্তান জন্ম দিয়া।
ন্যায়াধীশগৰাকীয়ে লগতে কয় যে শিশু দুটা এতিয়াৰে পৰা মাতৃৰ লগতহে থাকিব। তেওঁৰ মতে সন্তানক পিতৃ-মাতৃৰ পৰা আঁতৰাই ৰখাটো এক প্ৰকাৰৰ নিষ্ঠুৰতা।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
