বলীউডৰ অভিনেত্ৰী মল্লিকা শ্বেৰাৱটক অতি সোনকালে ৰিয়েলিটি শ্ব’ “দ্য ট্ৰেইটাৰ্ছ ২”ত দেখা যাব। ১৩ আগষ্টত শ্ব’টোৰ প্ৰিমিয়াৰৰ পূৰ্বে ছ’চিয়েল মিডিয়াত শ্ব’টোৰ এটা ভিডিঅ’ ক্লিপ প্ৰকাশ পাইছে। ভিডিঅ’টোত মল্লিকাই হলিউডৰ অভিনেতা টম ক্ৰুজৰ সৈতে হোৱা কথা-বতৰা আৰু তেওঁৰ প্ৰতি থকা ক্ৰাছৰ বিষয়ে কোৱা দেখা গৈছে। ভিডিঅ’টোত কমেডিয়ান আদিত্য কুলশ্ৰেষ্ঠই মল্লিকাক সুধিছে যে তেওঁৰ কেতিয়াবা কাৰোবাৰ ওপৰত ক্ৰাছ হৈছে নেকি? আদিত্যৰ প্ৰশ্নটোৰ মল্লিকাই সকলোকে আচৰিত কৰি দিয়া এটা উত্তৰ দিলে। তেওঁ কলে “মোৰ ওপৰত সকলোৰে ক্ৰাছ আছে। টম ক্ৰুজৰ আজিকালি মোৰ প্ৰতি ক্ৰাছ আহিছে। মই মিছা কোৱা নাই, মোৰ ফোন থাকিলে তেওঁৰ ভিডিঅ’বোৰ দেখুৱালোঁহেঁতেন।”
ইয়াৰ পূৰ্বে টাইমছ এণ্টাৰটেইনমেণ্টৰ সৈতে হোৱা এক সাক্ষাৎকাৰত মল্লিকাই প্ৰকাশ কৰিছিল যে তেওঁ প্ৰথমতে “দ্য ট্ৰেইটাৰ্ছ”ৰ অংশ হ’বলৈ অনিচ্ছুক আছিল। “প্ৰথম অৱস্থাত “দ্য ট্ৰেইটাৰ্ছ”ক লৈ মই বৰ আশংকাত ভুগিছিলো। মই ৰিয়েলিটি শ্ব’ কৰিবলৈ ইচ্ছা কৰা নাছিলো। অভিনেত্ৰী হিচাপে মই ইয়াৰ প্ৰতি আগ্ৰহী নাছিলো, কিন্তু তাৰ পিছত অংকিতাই মোক পতিয়ন নিয়াইছিল।
“দ্য ট্ৰেইটাৰ্ছ”ত সকলো প্ৰতিযোগীয়ে একেটা স্থানতে থাকে, কিন্তু গোপনে দুটা গোটত বিভক্ত হয়: ট্ৰেইটাৰ্ছ আৰু ইনোচেণ্ট। ট্ৰেইটাৰ্ছৰ কাম হ’ল ধৰা নপৰাকৈয়ে আন প্ৰতিযোগীক খেলৰ পৰা বাহিৰ কৰি দিয়া। ইফালে ইনোচেণ্টসকলে তেওঁলোকৰ বুদ্ধিমত্তা, কৌশল আৰু মিত্ৰতাৰ জৰিয়তে বিশ্বাসঘাতকসকলক চিনাক্ত কৰিবলৈ চেষ্টা কৰে। মাইণ্ড গেম, প্ৰতাৰণা, বিশ্বাস, আৰু কৌশল শ্ব’টোৰ কেন্দ্ৰীয় বিষয়। প্ৰথম ছিজনৰ বিজয়ী আছিল উৰ্ফি জাভেদ আৰু নিকিতা লুথাৰ। কৰণ জোহৰৰ দ্বাৰা আয়োজিত ” The Traitors”ৰ দ্বিতীয় ছিজন আৰু অধিক ৰোমাঞ্চকৰ হ’ব। এইবাৰ মুঠ ২১ গৰাকী প্ৰতিযোগীয়ে অংশগ্ৰহণ কৰিব আৰু কৌশল, বন্ধুত্ব, আৰু মিত্ৰতাৰ খেলখন খেলিব। শ্ব’টোৰ নিশ্চিত প্ৰতিযোগীসকলৰ ভিতৰত আছে মল্লিকা শ্বেৰাৱট, মুনাৱাৰ ফাৰুকী, শ্বেতা তিৱাৰী, ৰিয়া চক্ৰৱৰ্তী, অভিষেক মালহান, পাৰুল গুলাতি, আদিত্য কুলশ্ৰেষ্ঠ, হৰমন বাৱেজা আদি। ১৩ আগষ্টত প্ৰাইম ভিডিঅ’ত প্ৰিমিয়াৰ হ’ব “দ্য ট্ৰেইটাৰ্ছ ২”
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
