চ’ছিয়েল মিডিয়াত এটা ভিডিঅ’ ভাইৰেল হৈছে৷ ভিডিঅ’টোত দেখা গৈছে যে দুটা ডাঙৰ পাত্ৰত খেৰ কাটি ম’হৰ দানা থোৱা আছে৷ উক্ত পাত্ৰ দুটাৰ পৰা এজন লোকে ম’হৰ দৰেই দানা ভক্ষণ কৰি এক অস্বাভাৱিক আচৰণ কৰিবলৈ ধৰিছে৷
এই ভিডিঅ’টো উত্তৰ প্ৰদেশৰ মহাৰাজগঞ্জৰ৷ প্ৰকাশিত খবৰ মতে মহাৰাজগঞ্জৰ এজন ব্যক্তিৰ শৰীৰত প্ৰতি তিনিবছৰৰ অন্তত নাগ পঞ্চমীৰ দিনা ‘ভাইনসাসুৰ’ (ম’হাসুৰ!) প্ৰৱেশ কৰে৷ এই ম’হাসুৰে প্ৰৱেশ কৰিলেই লোকজনক ডাঙৰ পাত্ৰত ম’হৰ দানা দিয়া হয় আৰু তেওঁ ম’হৰ দৰেই পাত্ৰৰ পৰা দানা ভক্ষণ কৰে৷
লোকজনে ম’হৰ দানা খাবলৈ ধৰিলে বৃহৎসংখ্যক লোকে আহি তেওঁৰ পৰা আশীৰ্বাদ গ্ৰহণ কৰে৷ ভিডিঅ’টোতো দেখা গৈছে যে বহু লোকে ম’হাসুৰক আগুৰি আছে আৰু তাৰে একাংশই সেৱা কৰি কলৰ বাকলি গুচাই তেওঁক কল খোৱাই দিছে৷
লগতে পঢ়ক CWG 2022ত স্তব্ধ গতি! ২০০ মিটাৰ দৌৰত ছেমিৰ পৰাই বাহিৰ ধিং এক্সপ্ৰেছ হিমা
স্থানীয় লোকে লোকজনক বিশ্বাস কৰি সেৱা কৰি আশীৰ্বাদ গ্ৰহণ কৰিলেও একাংশই ইয়াক অন্ধবিশ্বাস বুলিয়েই অভিহিত কৰি আহিছে৷ ইফালে প্ৰতি তৃতীয় নাগ পঞ্চমীৰ দিনা ভাইনসাসুৰ হোৱা বুলি দাবী কৰা ব্যক্তিজনৰ নাম হ’ল বুধিৰাম। আগতে তেওঁ ৰোডৱেত কাম কৰিছিল আৰু এতিয়া অৱসৰপ্ৰাপ্ত। বুধিৰামে জনোৱা মতে, তেওঁৰ শৰীৰত বিগত ৪০ বছৰে ভাইনসাসুৰে প্ৰৱেশ কৰি আহিছে।
‘भैंसासुर’ इस शख्स के शरीर में घुसा! नागपंचमी को खाने के बजाय खाता है भूसा #ViralVideo @ZeeNews इस वीडियो की पुष्टि नहीं करता #Socialmedia #UttarPradesh pic.twitter.com/eeUSU0HvXl
— Zee News (@ZeeNews) August 6, 2022
নাগ পঞ্চমীৰ দিনা তেওঁ নিজৰ ঘৰৰ বাহিৰত নিৰ্মিত মাতাৰ মন্দিৰত বহি থাকে। তাৰ পিছত মানুহে তেওঁক ফুলৰ মালা আগবঢ়াই সন্মান কৰে। ইয়াৰ পিছত তেওঁ ম’হৰ দৰে খেৰ অৰ্থাৎ দানা খাবলৈ আৰম্ভ কৰে।
লগতে পঢ়ক কইনাই দৰাৰ ভাতৃসকলকো কৰাব লাগে বিবাহ! ভাৰতৰ ক’ত প্ৰচলিত আছে এই প্ৰথা?
বুধিৰামে দাবী কৰিছে যে প্ৰতি তৃতীয় বছৰত নাগ পঞ্চমীৰ দিনা ভাইনসাসুৰে তেওঁৰ শৰীৰত প্ৰৱেশ কৰে। কিন্তু বাকী দিনটো তেওঁ স্বাভাৱিক হৈ থাকে। ৩ বছৰত মাত্ৰ ১ দিনহে ম’হৰ দৰে আচৰণ কৰে।
ছ’চিয়েল মিডিয়াত একাংশ ব্যৱহাৰকাৰীয়ে ইয়াক অন্ধবিশ্বাস বুলি অভিহিত কৰাৰ বিপৰীতে আন কিছুমান ব্যৱহাৰকাৰীয়ে এই ঘটনাৰ বিষয়ে জানি আচৰিত হৈছে। এজন ব্যৱহাৰকাৰীয়ে লিখিছে যে বিশ্বাস কৰাটো অতি কঠিন। সঁচাকৈয়ে এনেকুৱা হ’ব পাৰেনে?
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
