বাৰ্মিংহাম কমনৱেলথৰ গেমছৰ পৰা অসমবাসীৰ বাবে আহিছে বেয়া খবৰ৷ এছিয়ান গেমছত স্বৰ্ণ পদক জয়ী কৰা অসমৰ দৌৰবিদ হিমা দাসৰ কমনৱেলথ গেমছত নিজৰ পচন্দৰ ইভেণ্টত স্বৰ্ণ জয়ৰ সপোন স্তব্ধ হৈছে৷
দেশৰ কোটি কোটি অনুৰাগীক হতাশ কৰি বক্সাৰ লাভলীনাৰ পিছতে ভাৰতৰ তাৰকা স্প্ৰীণ্টাৰ ধিং এক্সপ্ৰেছ খ্যাত অসম কন্যা হিমা দাসে কমনৱেলথ গেমছৰ ২০০ মিটাৰ দৌৰৰ ইভেণ্টত ফাইনেলত প্ৰৱেশ কৰাত ব্যৰ্থ হৈছে৷
অসমৰ তাৰকা স্প্ৰীণ্টাৰগৰাকীয়ে মাত্ৰ ০.০১ ছেকেণ্ডৰ বাবেই ২০০ মিটাৰ দৌৰৰ ফাইনেলত প্ৰৱেশ কৰিব নোৱাৰিলে৷
লগতে পঢ়ক মহিলালৈ উলংগ হৈ ভিডিঅ’ কলিং সাংসদৰ, স্পষ্টীকৰণত কি ক’লে অভিযুক্ত সাংসদে?
দ্বিতীয় ছেমি ফাইনেলত দুৰ্দান্ত প্ৰদৰ্শনেৰে হিমা দাসে তৃতীয় স্থানেৰে দৌৰ সমাপ্ত কৰিলেও ০.০১ ছেকেণ্ড অৰ্থাৎ ১ মাইক্ৰছেকেণ্ডৰ বাবে ফাইনেলত প্ৰৱেশ কৰিব নোৱাৰিলে৷
অৱশ্যে তাৰকা দৌৰবিদগৰাকীৰ বাৰ্মিংহাম কমনৱেলথৰ অভিযান এতিয়াও শেষ হোৱা নাই৷ আজি হিমাই ৪০০X৪ মিটাৰ ৰীলেত অংশগ্ৰহণ কৰিব৷
৪০০X৪ মিটাৰ ৰীলেত হিমা দাসৰ লগতে ভাৰতীয় দলে সফলতা লাভ কৰিবলৈ আমাৰ লগতে আপোনালোকেও জনাওক শুভকামনা৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ