ৱাই এছ আৰ কংগ্ৰেছ দলৰ সাংসদ গোৰন্তলা মাধৱৰ বিৰুদ্ধে এগৰাকী মহিলাৰ সৈতে ভিডিঅ’ কলৰ সময়ত উলংগ হৈ যৌনাংগ প্ৰদৰ্শন কৰাৰ এক গুৰুতৰ অভিযোগ উত্থাপন হৈছে৷ এই গুৰুতৰ অভিযোগ পিছতে সাংসদ মাধৱে নিজৰ প্ৰতিক্ৰিয়া প্ৰকাশ কৰি কয় যে ভিডিঅ’ কলিঙত উলংগ হোৱা পুৰুষগৰাকী তেওঁ নহয়৷ তেওঁৰ বিৰুদ্ধে এয়া এক ষড়যন্ত্ৰ বুলিও দাবী কৰে সাংসদগৰাকীয়ে৷
উল্লেখ্য যে ভাইৰেল হোৱা ভিডিঅ’টোত এজন পুৰুষে ভিডিঅ’ কলৰ সময়ত এগৰাকী মহিলাৰ সৈতে অশ্লীল কাৰ্য কৰা দেখা গৈছে৷ কলটোত দেখা পোৱা ব্যক্তিজন হিন্দুপুৰৰ লোকসভাৰ সাংসদ মাধৱ বুলি দাবী কৰা হৈছে। ইয়াৰ পিছতে সাংসদগৰাকীয়ে স্পষ্টীকৰণ দি কয় যে ভিডিঅ’ত দেখা পোৱা ব্যক্তিজন তেওঁ নহয় আৰু এয়া ভুৱা ভিডিঅ’৷
ভাইৰেল ভিডিঅ’টোত এজন পুৰুষে চাৰ্টবিহীনভাৱে ঘূৰি ফুৰিছে আৰু পিছত ভিডিঅ’ কলত এগৰাকী মহিলাক নিজৰ গুপ্তাংগ প্ৰদৰ্শন কৰিছে। কিন্তু অন্ধ্ৰ প্ৰদেশৰ সাংসদগৰাকীয়ে দাবী কৰিছে যে তেওঁ জিমত চাৰ্টবিহীন ৱৰ্কআউট কৰা এটা ভিডিঅ’ক পৰ্ণগ্ৰাফিক ভিডিঅ’লৈ ৰূপান্তৰিত কৰা হৈছে।
লগতে পঢ়ক জোতা-ছেণ্ডেল আগবঢ়ালেহে দেৱী হয় সন্তুষ্ট! কোন মন্দিৰত ভক্তই আগবঢ়াই জোতা-ছেণ্ডল?
ৱাই এছ আৰ কংগ্ৰেছ দলৰ সাংসদগৰাকীয়ে এই ভিডিঅ’টো তেওঁক বদনাম কৰাৰ ষড়যন্ত্ৰৰ অংশ বুলি অভিযোগ উত্থাপন কৰে। সংবাদ মাধ্যমৰ সৈতে হোৱা কথা-বতৰাত মাধৱে কয় যে এই সন্দৰ্ভত তেওঁ আৰক্ষীৰ ওচৰত এজাহাৰ দাখিল কৰিছে। একে সময়তে তেওঁ দাবী কৰে যে এই ভিডিঅ’টো লেব টেষ্টৰ বাবে পঠিয়াব লাগে যাতে প্ৰকৃত সত্য সকলোৰে সন্মুখলৈ আহে।
ইফালে, অন্ধ্ৰ প্ৰদেশৰ মুখ্যমন্ত্ৰী ৱাই এছ জগন মোহন ৰেড্ডীয়ে এই ঘটনাক গুৰুত্বসহকাৰে লৈছে। ৱাই এছ আৰ চি পিৰ সাধাৰণ সম্পাদক তথা চৰকাৰী উপদেষ্টা সজ্জ্জলা ৰামকৃষ্ণ ৰেড্ডীয়ে কয় যে চৰকাৰে বিষয়টোৰ তদন্তৰ নিৰ্দেশ দিছে।
তেওঁ কয় যে মাধৱে তেওঁৰ বিৰুদ্ধে উত্থাপিত অভিযোগ অস্বীকাৰ কৰিছে। তেওঁ আৰক্ষীক অভিযোগ কৰিছে যে এইটো এটা মৰ্ফ কৰা ভিডিঅ’। আৰক্ষীয়ে বিষয়টোৰ তদন্ত কৰি আছে৷ যদিহে ওলাই পৰে যে ই মৰ্ফ কৰা ভিডিঅ’ নহয়, তেন্তে তেওঁৰ বিৰুদ্ধে কঠোৰ ব্যৱস্থা গ্ৰহণ কৰা হ’ব। ৰামকৃষ্ণ ৰেড্ডীয়ে স্পষ্ট কৰি দিয়ে যে দলটোৱে এনে কাৰ্যকলাপ একেবাৰেই সহ্য নকৰে।
লগতে পঢ়ক ফেচবুকত ভাইৰেল দৃষ্টিহীন পিতৃ-মাতৃ: পাঁচবছৰীয়া সন্তান ৰাহুলেই হ’ল জীৱনৰ লাখুটি!
আনহাতে, বিৰোধী দল তেলেগু দেশম পাৰ্টিয়ে ৱাই এছ আৰ চি পিৰ একাংশ নেতাৰ আচৰণ অতি নিৰ্লজ্জ বুলি মন্তব্য কৰিছে। প্ৰাক্তন বিধায়ক তথা টিডিপিৰ জ্যেষ্ঠ নেতা বণ্ডা উমামহেশ্বৰ ৰাওৱে কয় যে ৱাই এছ আৰ চিপিৰ একাংশ নেতাৰ আচৰণ অতি নিম্নস্তৰৰ আৰু ছ’চিয়েল মিডিয়াত ভাইৰেল হৈ পৰা হিন্দুপুৰ লোকসভাৰ সদস্য গোৰন্তলা মাধৱৰ ভিডিঅ’টোৱে তেওঁৰ দলৰ নেতাসকলৰ চৰিত্ৰৰ উমান দিছে।
উল্লেখ্য যে নিৰ্বাচনী শপতনামা অনুসৰি গোৰন্তলা মাধৱৰ বিৰুদ্ধে ৩৭৬ ধাৰা, ৩০২ ধাৰা আৰু ৫০৬ ধাৰাত গোচৰ চলি আছে। টিডিপি নেতা বণ্ডা উমাই অভিযোগ কৰে যে তেওঁৰ দলৰ সাংসদসকলৰ এনে আচৰণৰ বাবে দায়ী মুখ্যমন্ত্ৰী জগনমোহন ৰেড্ডী।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ