নয়ডা ছেক্টৰ ৩৯ আৰক্ষীৰ অন্তৰ্গত চালাৰপুৰ গাঁৱত চাৰে তিনি বছৰীয়া কন্যা শিশুক ডিজিটেল ধৰ্ষণ কৰাৰ অপৰাধত সুৰজপুৰ জিলা আৰু সত্ৰ আদালতে এজন ৬৫ বছৰীয়া লোকক যাৱজ্জীৱন কাৰাদণ্ডৰ শাস্তি প্ৰদান কৰিছে৷
আকবৰ আলী নামৰ অভিযুক্তজন পশ্চিমবংগৰ মালদাৰ এখন গাঁৱৰ বাসিন্দা। প্ৰমাণ আৰু ৮ টা সাক্ষ্যৰ ভিত্তিত জিলা আৰু সত্ৰ ন্যায়াধীশ অনিল কুমাৰ সিঙে এই শাস্তি প্ৰদান কৰে। আউটলুকৰ বাতৰি অনুসৰি তেওঁৰ বিৰুদ্ধে POCSO (Protection of Children from Sexual Offence) আৰু ভাৰতীয় দণ্ডবিধিৰ (IPC) ধাৰা ৩৭৫ আৰু ধাৰা ৩৭৬ৰ অধীনত অভিযুক্ত কৰা হৈছিল।
প্ৰতিবেদন অনুসৰি ২০১৯ চনত আলীয়ে নিজৰ বিবাহিত কন্যাক চাবলৈ নয়ডা ছেক্টৰৰ ৪৫ নং চালাৰপুৰ গাঁৱলৈ গৈছিল। সেই সময়তে তেওঁ মিঠাই দিয়াৰ অজুহাতত ওচৰ-চুবুৰীয়াৰ কন্যা শিশুগৰাকীক প্ৰলোভিত কৰি শিশুটিক ডিজিটেল ধৰ্ষণ কৰিছিল।
লগতে পঢ়ক নাৰ্ছিংহোমত চাৰি বছৰৰ তলৰ শিশুক নিযুক্তি! দৰমহা হিচাপে দিয়ে গাখীৰ আৰু ডায়েপাৰ
ঘটনাৰ সন্দৰ্ভত শিশুটিৰ পিতৃ-মাতৃয়ে লোকজনৰ বিৰুদ্ধে লিখিত অভিযোগ দাখিল কৰে। এই অভিযোগৰ ভিত্তি শিশুগৰাকীৰ স্বাস্থ্য পৰীক্ষা কৰা হয় আৰু ধৰ্ষণৰ বলি হোৱাটো নিশ্চিত হোৱাৰ পিছত অভিযুক্তক গ্ৰেপ্তাৰ কৰা হয়।
তেতিয়াৰে পৰা আলী জিলা কাৰাগাৰত আছে। অভিযুক্ত আলীৰ অন্তৱৰ্তীকালীন জামিনো নাকচ কৰা হৈছিল আৰু শেষত আদালতে তেওঁক যাৱজ্জীৱন কাৰাদণ্ডৰ লগতে তেওঁক ৫০ হাজাৰ টকা জৰিমনা বিহিছে।
উল্লেখ্য যে ডিজিটেল ধৰ্ষণৰ চাইবাৰ অপৰাধ তথা প্ৰযুক্তিৰ সৈতে কোনো সম্পৰ্ক নাই। বৰঞ্চ এই বাক্যাংশটো ইংৰাজী শব্দ ‘ডিজিট’ৰ পৰা উদ্ভৱ হৈছে, যাৰ অৰ্থ সংখ্যা আৰু পূৰ্ণসংখ্যাৰ উপৰিও হাতৰ আঙুলি, বুঢ়া আঙুলি আৰু ভৰিৰ আঙুলিকো বুজায়।
লগতে পঢ়ক যৌন নিৰ্যাতন চলাই চলন্ত ৰে’লৰ পৰা গতিয়াই দিলে মহিলাক, ভুক্তভোগী মহিলাৰ মৃত্যু
ডিজিটেল ধৰ্ষণে মূলতঃ যৌনাংগত হাতৰ আঙুলি বা ভৰিৰ আঙুলিক অসন্মতিক্ৰমে তথা বলপূৰ্বক প্ৰৱেশ কৰা কাৰ্যকহে বুজায়৷
পূৰ্বতে এনে কাৰ্যক ধৰ্ষণ নহয়, নিৰ্যাতন বুলি গণ্য কৰা হৈছিল যদিও সংসদত প্ৰৱৰ্তন কৰা নতুন ধৰ্ষণ আইনসমূহে এই শব্দটোৰ উদ্ভাৱন কৰি আৰু ৩৭৫ আৰু ৩৭৬ ধাৰা আৰু যৌন অপৰাধৰ পৰা শিশুক সুৰক্ষা (POCSO) আইন অনুসৰি ইয়াক যৌন অপৰাধ বুলি গণ্য কৰিছে।
POCSO আইন অনুসৰি অপৰাধীজনে কমেও ৫ বছৰৰ কাৰাদণ্ডৰ সন্মুখীন হ’ব লাগিব। কিন্তু ৩৭৬ ধাৰাৰ অধীনত কোনো ব্যক্তিৰ বিৰুদ্ধে এনে অভিযোগ উত্থাপন হ’লে এই শাস্তি দহ বছৰ আনকি যাৱজ্জীৱন কাৰাদণ্ডলৈ বৃদ্ধি কৰিব পাৰি।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
