ভাৰতৰ প্ৰতিগৰাকী ব্যক্তিৰেই বিবাহ এক ডাঙৰ সপোন৷ পুত্ৰৰ বিয়া বুলি ক’লে মাক বাপেকৰ স্ফুৰ্তিৰ সীমা নাথাকে৷ নাচ, গান, ৰঙীন পোছাক আৰু বৰযাত্ৰী মিলি এক বিশেষ উদযাপনৰ নামেই বিবাহ৷ সেই বিবাহক আৰু ৰঙীন কৰাৰ পৰিকল্পনাৰে দৰাৰ পিতৃৰে লোৱা এক সিদ্ধান্তই এতিয়া দেশজুৰি চৰ্চা লাভ কৰিছে৷
https://www.instagram.com/reel/DD1vwLmPncE/?utm_source=ig_web_copy_link
ঘটনাটো উত্তৰপ্ৰদেশৰ৷ পুত্ৰৰ বিবাহ উপলক্ষ্যে সন্ধিয়াটো ৰঙীন কৰিবলৈ পিতৃয়ে ডান্স কৰিবলৈ মাতিলে ২০ গৰাকী ৰাছিয়ান যুৱতীক৷ কইনা ঘৰৰ বিবাহৰ মণ্ডপত প্ৰৱেশৰ পূৰ্বে নাচি নাচি দৰাক আদৰিছে ৰাছিয়ান ডান্সাৰে৷ বৰযাত্ৰীৰ সৈতে নাচি নাচি আগুৱাইছে ৰাছিয়ান ডান্সাৰ৷ দৰাৰ বন্ধু বান্ধৱৰ নৃত্যতকৈ সকলোৰে আকৰ্ষণ হৈ উঠে ৰাছিয়ান সুন্দৰীৰ নৃত্যহে৷ ৰাছিয়ান ২০ সুন্দৰীয়ে ভাৰতীয় পোছাক পিন্ধিয়েই এই বিবাহত অংশ লৈছিল৷
ইতিমধ্যে নৃত্যৰ ভিডিঅ’ সামাজিক মাধ্যমত ভাইৰেল হৈছে৷ কোনো কোনোৱে নৃত্যৰ প্ৰশংসা কৰিছে যদিও প্ৰায়সংখ্যকেই এই কাৰ্যক সমালোচনা কৰিছে৷ কোনোৱে ইয়াক অৰ্থৰ অপচয় বুলিও কৈছে৷ অৱশ্যে এই কাৰ্যৰ বাবে দৰাৰ পিতৃক বেছিভাগেই প্ৰশংসা কৰাহে পৰিলক্ষিত হৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
