বিবাহ আৰু সন্তানৰ জন্ম এই দুই দিশতেই পিছুৱাই আছে দক্ষিণ কোৰিয়া৷ সেয়ে এই সমস্যাৰ পৰা বাহিৰলৈ ওলোৱাৰ বিশেষ উপায়ো বাহিৰ কৰিছে তাৰ চৰকাৰে৷ ২০২৩ চনৰ এক ৰিপৰ্ট অনুসৰি দক্ষিণ কোৰিয়াত বিগত ১০ বছৰত বিবাহ আৰু জন্মৰ হাৰ কমিছে প্ৰায় ৪০শতাংশ৷ তাতেই বৰ্তমানৰ ট্ৰেণ্ড হৈছে বিবাহ দেৰিকৈ কৰোৱা বা বিবাহ নকৰাকৈ থকা৷
সেই দেশত নাৰীৰ সংখ্যা কমি গৈছে৷ ,সমীক্ষাত দেখা গৈছে যে দক্ষিণ কোৰিয়াত বৰ্তমান নাৰীৰ জন্মহাৰ ০.৭২ শতাংশ হাৰত কমিছে৷ এই হাৰ সমগ্ৰ বিশ্বৰ ভিতৰত সকলোতকৈ কম৷ ফলত দেশৰ জনসংখ্যাৰ বিকাশৰ ক্ষেত্ৰত এয়া এক বিশেষ সমস্যা৷ বিশেষজ্ঞসকলে কৈছে যে, তেওঁলোকে সমীক্ষাত পোৱা অনুসৰি দক্ষিণ কোৰিয়াত প্ৰতিটো কৰ্মস্থানতেই তাৰ বাসিন্দাই দীৰ্ঘসময় ধৰি কাম কৰিব লাগে৷ ফলত কৰ্মক্ষেত্ৰতেই অধিক সময় দিয়ে তাৰ ব্যক্তিয়ে৷
বাকী নিজলৈ পোৱা সময়খিনি বিশ্ৰামৰ বাবে ৰাখে তাৰ পুৰুষ-মহিলা উভয়েই৷ ফলত বিয়া কৰোবাৰ দিশটোক তেওঁলোকে বিশেষ প্ৰাধান্য নিদিয়ে৷ আনকি যদি কোনোৱে বিয়াও কৰাই তেন্তে সন্তান জন্ম দিয়া বা তাক ডাঙৰ কৰাৰ দৰে কামসমূহ তেওঁলোকে কৰিব নোখোজে৷ দক্ষিণ কোৰিয়া চৰকাৰে সেয়ে উপায়হীন হৈ এতিয়া দ্ৰুত ডেটিঙৰ ব্যৱস্থা কৰিছে সকলো অবিবাহিতৰ বাবে৷
বিশেষ স্থানো ডেটিঙৰ বাবে দিছে তেওঁলোকে৷ সেই বিশেষ স্থানতে গৈ প্ৰেমিক আৰু প্ৰেমিকাই সময় কটাব পাৰিব৷ আনকি বিয়াৰ বাবেও যদি কোনোৱে ভাৱি আছে তেন্তে তেওঁলোকক সেই বিশেষ স্থানতেই বিয়া কৰাবলৈ মটিভেছনো দিয়া হয়৷ বিয়া কৰোৱা সকলক সন্তান জন্ম দিবলৈকো বিশেষভাৱে বুজোৱা হয়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
