২৭ ছেকেণ্ডৰ এটা ভাইৰেল ভিডিঅ’, ৰাজপথত ঘটিল শিহৰণকাৰী ঘটনা, দৃশ্য দেখি শিঞৰি উঠিল সকলো
২৭ ছেকেণ্ডৰ এটা ভিডিঅি’ই এতিয়া দেশজুৰি চাঞ্চল্যৰ সৃষ্টি কৰিছে। ৰাজপথতে বহু লোকৰ সমুখতে এজন লোকে নিৰ্দয় ভাৱে প্ৰহাৰ কৰি প্ৰাণ ল’লে এগৰাকী যুৱতীৰ। সামাজিক মাধ্যমত ভাইৰেল হৈ পৰিছে সেই শিহৰণকাৰী ভিডিঅ’।
বহু লোকৰ চকুৰ সমুখতে সংঘটিত হৈছে গাৰ নোম শিঞৰি উঠা ঘটনা। আনকি ভিডিঅ’ দেখিয়ো শিঞৰি উঠিছে লোক। ইমানেই নিৰ্দয়তাৰে পাষণ্ড প্ৰেমিকে ৰাজপথতে লোহাৰ ৰোডেৰে কোবাই কোবাই প্ৰাণ কাঢ়ে প্ৰেমিকাৰ।
পাষণ্ড প্ৰেমিক
এই শিহৰণকাৰী ঘটনা সংঘটিত হৈছে দেশৰ অন্যতম ব্যস্ত চহৰ মুম্বাইত। যুৱতীৰ শৰীৰত শেষ নিশ্বাস থকালৈকে প্ৰহাৰ কৰি থাকিল পাষণ্ড প্ৰেমিকে। ২৭ ছেকেণ্ডৰ ভিডিঅ’টোত ১৫ বাৰকৈ প্ৰহাৰ কৰিলে যুৱতীক।
মুম্বাইৰ ভাছাইত সংঘটিত হৈছে এই ঘটনা। ঘটনাত প্ৰাণ হেৰুৱালে ২০ বছৰীয়া যুৱতীয়ে। হত্যাকাৰী যুৱকক আটক কৰিছে আৰক্ষীয়ে। চিচি টিভিৰ ফুটেজ ভাইৰেল হৈ পৰিছে সকলোফালে।
https://x.com/sun4shiva/status/1802996091383693473
ভাইৰেল হোৱা ভিডিঅ’ত স্পষ্ট ৰূপত দেখা গৈছে – এগৰাকী যুৱতীক লোহাৰ ৰোড এডালেৰে প্ৰহাৰ কৰিছে। যাৰ ফলত ৰাজপথত বাগৰি পৰিছে যুৱতী। উঠিবলৈ চেষ্টা কৰোতে আৰু অধিক প্ৰহাৰ যুৱতীক। প্ৰত্যক্ষদৰ্শী লোকে যুৱকক আঁতৰাই আনিবলৈ চেষ্টা কৰে যদিও বাৰে বাৰে যুৱতীক খেদি গৈ আক্ৰমণ যুৱতীক। যাৰ ফলত ৰাজপথতে প্ৰাণ হেৰুৱাই যুৱতীয়ে।
আৰক্ষীয়ে হত্যাকাৰী যুৱকক আটক কৰি সোধপোচ আৰম্ভ কৰিছে। যদিও বৰ্তমানলৈ ইয়াৰ কাৰণ জানিব পৰা হোৱা নাই। ঘটনা সন্দৰ্ভত যুৱকেও কোনোধৰণৰ মন্তব্য কৰা নাই কিয় এইদৰে যুৱতীগৰাকীক হত্যা কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
