তামিলনাডুৰ এটা বেণ্ডৰ এগৰাকী গায়কৰ প্ৰেয়সীৰ সন্মুখত আত্মহত্যাৰ অভিনয় কৰি থাকোঁতে মৃত্যু হয়।
মৃত্যু হোৱা গায়কজনক নাম ৰাজা (৪২)। আৰক্ষীৰ সূত্ৰ অনুসৰি তেওঁ এগৰাকী মহিলাৰ সৈতে বিবাহ বৰ্হিভূত সম্পৰ্ক ৰক্ষা কৰি চলিছিল। চিত্ৰা নামৰ তেওঁ প্ৰেমিকাগৰাকীও একেটা বেণ্ডতে গান গাই আহিছিল।
প্ৰেমিকাৰ সৈতে কাজিয়া লাগি প্ৰেমিক ৰাজাই আত্মহত্যা কৰাৰ অভিনয় কৰি থাকোতে সঁচাকৈ ডিঙিত ফাঁচ লাগি মৃত্যু হয়৷
লগতে পঢ়ক আকৌ শিক্ষকৰ বৰ্বৰতা! দলিত ছাত্ৰক প্ৰহাৰ, চিকিৎসালয়ত ভৰ্তি শিক্ষাৰ্থীক
আৰক্ষীৰ সূত্ৰই প্ৰকাশ অনুসৰি এই সমগ্ৰ ঘটনাৰ দৃশ্য এটা ভিডিঅ’ত বন্দী হৈছে। ৰাজাই নিজেই ভিডিঅ’টো শ্বুটিং কৰি আছিল।
লোকজনে প্ৰেমিকাৰ সৈতে এটা ঘৰলৈ যায় আৰু তাতে দুয়োৰে মাজত সামান্য কাজিয়াৰ সূত্ৰপাত হয়। তেতিয়াই ৰাজাই ধেমালি কৰি ক’লে যে তেওঁ আৰু জীয়াই থাকিব নিবিচাৰে। অন্য এটা কোঠালৈ গৈ তেওঁ প্ৰেমিকাক ভয় খুৱাবলৈ আত্মহত্যা কৰাৰ অভিনয় কৰিবলৈ ধৰিলে।
ডিঙিত শাৰী এখন মেৰিয়াই আত্মহত্যাৰ অভিনয় কৰিৰি থকাতে নিজেই ভুলবশতঃ ডিঙিত ফাঁচটো লগাই লয়। ফাঁচ লগাৰ পিছতে প্ৰেমিকাই ডিঙিৰ ফাঁচটো এৰুৱাই বচাবলৈ চেষ্টা কৰাৰ লগতে আৰক্ষীকো খবৰ দিয়ে৷
লগতে পঢ়ক নলবাৰীৰ পি এম কিষাণৰ হিতাধিকাৰীক ভূমিৰ তথ্য প্ৰদানৰ আহ্বান
আৰক্ষীয়ে আহি প্ৰেমিক ৰাজাক ভেল্লুৰৰ চৰকাৰী চিকিৎসালয়লৈ নিয়ে যদিও চিকিৎসকে তেওঁক মৃত বুলি ঘোষণা কৰে।
জানিব পৰা মতে ৰাজা বিবাহিত আৰু তেওঁ তিনি সন্তানৰ পিতৃ আছিল৷ আৰক্ষীয়ে প্ৰকাশ কৰা অনুসৰি সমগ্ৰ ঘটনাটোত প্ৰেমিকা চিত্ৰা স্তম্ভিত হৈ পৰাৰ লগতে ৰাজাৰ পত্নী আৰু তিনিটা সন্তান সুখত ভাঙি পৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
