মংগলবাৰে প্ৰচাৰ হোৱা এক বাতৰিয়ে সমগ্ৰ দেশৰ সংবাদ মাধ্যমৰ লগতে সামাজিক মাধ্যমত তোলপাৰ লগাইছে৷ প্ৰকাশিত বাতৰি মতে গৌতম আদানীৰ প্ৰতিষ্ঠানে ভাৰতৰ বিখ্যাত সংবাদ প্ৰতিষ্ঠান NDTVৰ ২৯.১৮ শতাংশ অংশীদাৰিত্ব অধিগ্ৰহণ কৰিব৷
খবৰ অনুসৰি, ইয়াৰ পিছতে আদানী গ্ৰুপে এনডিটিভিত অংশীদাৰিত্ব ল’বলৈ মুকলি প্ৰস্তাৱ দিব। এই খবৰ ওলোৱাৰ পিছতে এনডিটিভিৰ প্ৰাইম টাইমৰ এংকৰ ৰবিশ কুমাৰে শীঘ্ৰেই পদৰ পৰা পদত্যাগ কৰিব পাৰে বুলি জল্পনা-কল্পনা চলিছে।
এই জল্পনা-কল্পনাৰ অন্ত পেলাই ৰবিশ কুমাৰে অতি ব্যংগত্মাক মন্তব্য কৰিছে৷ আজি পুৱা দেশৰ জ্যেষ্ঠ সাংবাদিকগৰাকীয়ে এক টুইট কৰিছে৷
লগতে পঢ়ক নলবাৰীৰ পি এম কিষাণৰ হিতাধিকাৰীক ভূমিৰ তথ্য প্ৰদানৰ আহ্বান
বুধবাৰে টুইট কৰি কয় যে মোৰ পদত্যাগৰ উৰাবাতৰি আৰু প্ৰধানমন্ত্ৰী নৰেন্দ্ৰ মোদীয়ে মোক সাক্ষাৎকাৰ দিবলৈ সন্মত হোৱাৰ দৰেই কথা৷
ৰবিশ কুমাৰে টুইট কৰি লিখিছে যে ‘‘মাননীয় ৰাইজ, মোৰ পদত্যাগৰ বিষয়টো ঠিক এটা উৰাবাতৰিৰ দৰেই যে প্ৰধানমন্ত্ৰী নৰেন্দ্ৰ মোদীয়ে মোক সাক্ষাৎকাৰ দিবলৈ সন্মত হৈছে আৰু অক্ষয় কুমাৰ বোম্ব আম লৈ গেটত মোৰ বাবে অপেক্ষা কৰি আছে।’’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
