শেহতীয়াকৈ ফ’ৰ্বছ-এ প্ৰকাশ কৰা এক তালিকাত বিশ্বৰ আটাইতকৈ কণিষ্ঠ বিলিয়নাৰগৰাকী নাম প্ৰকাশ পাইছে৷ ফ’ৰ্বছ-এ প্ৰকাশ কৰা অনুসৰি বিশ্বৰ আটাইতকৈ কণিষ্ঠ বিলিয়নাৰগৰাকী হৈছে আলেকজেণ্ডাৰ ৱাং৷ এই বয়োকণিষ্ঠ বিলিয়নাৰগৰাকীৰ বৰ্তমান বয়স হৈছে মাত্ৰ ২৫ বছৰ৷
আলেকজেণ্ডাৰ ৱাঙে মাত্ৰ ১৯ বছৰ বয়সতে এমআইটি (মেছাচুচেটছ ইনষ্টিটিউট অৱ টেকন’লজি)ৰ পৰা ডিগ্ৰী সম্পূৰ্ণ নকৰি ছফটৱেৰ কোম্পানী স্কেল এআইৰ প্ৰতিষ্ঠা কৰিছিল৷ এই প্ৰতিষ্ঠানটোৰ তেওঁ সহ-প্ৰতিষ্ঠাপক আছিল।
বৰ্তমান ৱাঙৰ প্ৰতিষ্ঠানে প্ৰায় ৩০০ টা কোম্পানীকেই নহয় আমেৰিকাৰ বায়ুসেনাক এআই এপ্লিকেচনৰ বাবে উচ্চমানৰ প্ৰশিক্ষণ ডাটা প্ৰদান কৰি আহিছে৷ যিটোৱে তেওঁলোকৰ প্ৰতিষ্ঠান ডাটা বাণিজ্য বিশ্বব্যাপী প্ৰসাৰ হোৱাৰ সম্ভাৱনা মুকলি কৰাত সহায় কৰিছে।
লগতে পঢ়ক মুকেশ আম্বানীৰ পৰা ছালিল পাৰিখলৈ, শীৰ্ষ মুখ্য কাৰ্যবাহী বিষয়াসকলৰ দৰমহা কিমান?
ৱাং আছিল এজন গণিতৰ শিক্ষাৰ্থী, যিয়ে ৰাষ্ট্ৰীয় গণিত আৰু ক’ডিং প্ৰতিযোগিতাত অংশগ্ৰহণ কৰিছিল। ফ’ৰ্বছৰ মতে ষষ্ঠ শ্ৰেণীত থাকোতেই ৱাঙে ডিজনী ৱৰ্ল্ডলৈ বিনামূলীয়া টিকট লাভ কৰাৰ উদ্দেশ্যে প্ৰথম ৰাষ্ট্ৰীয় গণিত প্ৰতিযোগিতাত নামভৰ্তি কৰিছিল৷ অৱশ্যে তেওঁ প্ৰতিযোগিতাখনত জয়ী নহ’লেও নিজ ৰাষ্ট্ৰখনক সন্মানিত কৰিছিল।
ফ’ৰ্বছৰ প্ৰতিবেদন অনুসৰি দ্বিতীয় বিশ্বযুদ্ধৰ সময়ত আমেৰিকাই প্ৰথমটো পাৰমাণৱিক বোমা নিৰ্মাণ কৰা গোপন স্থান নিউ মেক্সিকোৰ লছ আলামোছ নেচনেল লেবৰ ছাঁত আলেকজেণ্ডাৰ ৱাং ডাঙৰ-দীঘল হৈছিল। তেওঁৰ পিতৃ-মাতৃ আছিল পদাৰ্থবিজ্ঞানী যিয়ে সামৰিক বাহিনীৰ বাবে অস্ত্ৰ-শস্ত্ৰ নিৰ্মাণ প্ৰকল্পত কাম কৰি আহিছে।
ৱাঙে ১৭ বছৰ বয়সলৈকে প্ৰশ্নোত্তৰ ছাইট Quora ত পূৰ্ণকালীন ক’ডিঙৰ কাম কৰি আছিল আৰু তাতে তেওঁ স্কেলৰ সহ-প্ৰতিষ্ঠাপক লুচি গুওক লগ পাইছিল। তাৰ পিছত ৱাঙে ২০১৬ চনত স্কেল এ আই কোম্পানী আৰম্ভ কৰে।
লগতে পঢ়ক মিথ্যাচাৰী প্ৰধানমন্ত্ৰী বৰিছ জনচন : কিয় ক্ষমা খুজিলে ব্ৰিটিছ প্ৰধানমন্ত্ৰীয়ে?
টয়োটা ৰিচাৰ্চ ইনষ্টিটিউট, ওপেনএআইৰ পৰা লাইফ্টলৈকে ৱাঙে ৩০০ৰো অধিক কোম্পানীক প্ৰাথমিক তথ্য আহৰণ আৰু সংৰক্ষণত ৱাঙে সহায় কৰি আহিছে।
তেওঁ কেনেকৈ এজন বিলিয়নাৰ হৈ পৰিল?
ফ’ৰ্বছৰ মতে যোৱা বছৰ ৩২৫ মিলিয়ন ডলাৰৰ পুঁজিৰে ৱাঙৰ কোম্পানী স্কেল এআইৰ প্ৰায় ১০ কোটি ৰাজহ আহৰণ কৰিবলৈ সক্ষম হয় যাৰ মূল্য আছিল প্ৰায় ৭.৩ বিলিয়ন মাৰ্কিন ডলাৰ৷
ফৰ্বছৰ মতে ৱাঙৰ কোম্পানীত ১৫% অংশীদাৰিত্বৰ মূল্য ১ বিলিয়ন ডলাৰ বুলি অনুমান কৰা হৈছে, যাৰ ফলত তেওঁ বিশ্বৰ আটাইতকৈ কম বয়সীয়া বিলিয়নাৰ হিচাপে পৰিগণিত হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
