ক’ৰোনাত আক্ৰান্ত মোহময়ী অভিনেত্ৰী

অসম লাইভ ২৪ ডিজিটেল ডেস্কঃ জনপ্ৰিয় মুখ৷ সুকীয়া নৃত্যশৈলীৰ বাবে দৰ্শকৰ বুকুৰ কুটুম৷ নাচ আৰু অভিনয়ৰে বিগত কিছু বছৰ দর্শকক মোহছন্ন কৰি ৰাখিছে অভিনেত্ৰী মোহেনা কুমাৰী সিঙে৷ সুন্দৰী মোহেনাই মঙলবাৰে ইনষ্টাগ্ৰামৰ জৰিয়তে সদৰী কৰিছে তেওঁ সম্প্ৰতি ক’ৰোনাত আক্ৰান্ত৷ ‘য়ে ৰিস্তা ক্যা কেহলাতা হে’ৰ জৰিয়তে টিভি পর্দাত ধুমুহাৰ সৃষ্টি কৰা অভিনেত্ৰীগৰাকীয়ে লিখিছে – শুব পৰা নাই! প্ৰথমকেইদিন বৰ চিন্তা হৈছিল৷ কাৰণ ঘৰত শিশুৰ পৰা বৃদ্ধলৈ সকলো বয়সৰ সদস্য আছে৷ আমি আশা কৰিছো শীঘ্ৰে আৰোগ্য হ’ম৷ নেদেখাজনৰ কৃপাত কিছু সুস্থ হৈছো৷ ইয়াৰ বাবে মই কাকো দায়ী কৰিব নোৱাৰো৷ উল্লেখ‍ কৰিব পাৰি যে মোহেনা কুমাৰী সিঙৰ লগতে তেওঁৰ শহুৰ আৰু শাহু ক’ভিড-১৯ত আক্ৰান্ত হৈছে৷ লাস্যময়ী মোহেনা মধ্যপ্ৰদেশৰ ৰেওয়াৰ ৰাজপৰিয়ালৰ জীয়ৰী৷ ‘য়ে ৰিস্তা ক্যা কেহলাতা হে’ ধাৰাবাহিকখনৰ সবাতোকৈ জনপ্ৰিয় চৰিত্ৰ কীৰ্তি গোৱেংকাৰ চৰিত্ৰত অভিনয় কৰা মোহেনা উত্তৰাখণ্ডৰ বোৱাৰী৷ ‘ডান্স ইণ্ডিয়া ডান্স’ৰ ছিজন-৩ৰ প্ৰতিযোগীও আছিল মোহেনা কুমাৰী সিং৷

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ