অসম লাইভ২৪ঃ অসমীয়া ভাষাৰ বিশ্বমুখী যাত্ৰাক কোনে বাধা দিব পাৰে? হেমকোষৰ চৰ্চা ক’ত নহয়? প্ৰধানমন্ত্ৰী নৰেন্দ্ৰ মোদীয়ে দেশবাসীক উদ্দেশ্যি সম্বোধন কৰা ‘মন কি বাত’ত শুনা গ’ল হেমকোষৰ প্ৰসংগ। অসমত চলা শৈক্ষিক আন্দোলনৰ প্ৰশংসা কৰাৰ প্ৰাৰম্ভিকতে প্ৰধানমন্ত্ৰীগৰাকীয়ে হেমকোষৰ কথা উল্লেখ কৰে। অসমীয়া সাহিত্য তথা সমাজ জীৱনকৈ হেমকোষৰ অবদানৰ কথা সুঁৱৰি প্ৰধানমন্ত্ৰীগৰাকীয়ে কয় যে অসমত হিমন্ত বিশ্ব শৰ্মাই আৰম্ভ কৰা শিক্ষাৰ উত্তৰণমুখী এই যাত্ৰা প্ৰশংসনীয়।
কিছুদিনপূৰ্বেই জয়ন্ত বৰুৱাই প্ৰধানমন্ত্ৰীগৰাকীৰ হাতত তুলি দিছিল হেমকোষ। সেই ছবিয়ে অসমত চৰ্চাও লাভ কৰিছিল। তাৰ পিছতেই দেওবাৰে ‘মন কি বাত’ ত হেমকোষৰ নতুন সংস্কৰণ, দৃষ্টিহীন লোকে পঢ়িব পৰাকৈ ব্ৰেইলী লিপিৰ নতুন হেমকোষৰ কথাও উল্লেখ কৰে। ভাষণত প্ৰধানমন্ত্ৰীগৰাকীয়ে কয়, ‘বিশিষ্ট সাহিত্যিক হেমচন্দ্ৰ বৰুৱাৰ হেমকোষে নতুন সংস্কৰণ লাভ কৰিব। ব্ৰেইলী সংস্কৰণৰ কথাই মোক নথৈ আনন্দিত কৰিছে। এইয়া সমাজ জীৱনলৈ ডাঙৰ অবদান। ইয়াৰ বাবে জয়ন্ত বৰুৱা নিশ্চয় ধন্যবাদৰ পাত্ৰ।’
দীনদয়াল উপাধ্যায়ৰ জন্মদিনৰ সৈতে সংগতি ৰাখি দেশবাসীক উদ্দেশ্যি দিয়া ‘মন কি বাতত’ ভাষাৰ ওজা হেমচন্দ্ৰ বৰুৱাক শ্ৰদ্ধা জনোৱাৰ উপৰিও অসমত ডঃ হিমন্ত বিশ্ব শৰ্মাৰ নেতৃত্বত আৰু ভাল কাম হ’ব। শিক্ষাৰ লগতে সমাজ জীৱনৰ উত্তৰণৰ বাবে এইখন চৰকাৰে বহু ভাল কাম কৰিব বুলি প্ৰধানমন্ত্ৰীগৰাকীয়ে ভাষণত উল্লেখ কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
