অসম লাইভ২৪ঃ মাতৃ এনেকুৱাও হ’ব পাৰে! ইমান নিকৃষ্ট কেনেকৈ? ‘জননী জন্মভূমি স্বৰ্গাদপী গৰিয়সী’- মাতৃক লৈ এই শ্লোক সৰ্বজনবিদিত। কিন্তু এইগৰাকী মাতৃয়ে নিজ কন্যাকেই একাধিক পুৰুষেৰে মধুনিশা যাপনৰ বাবে পঠিয়াইছে। প্ৰতিদিনেই ভিন্ন পুৰুষৰ সৈতে নিশা যাপনৰ বাবে কন্যাক পঠিয়াইছে মাতৃয়ে।
ঘটনাটো মালয়েছিয়াৰ। মাতৃয়ে এনেদৰে মধুনিশা যাপনৰ বাবে পঠিওৱা কন্যাৰ বয়স মাত্ৰ ১৭ বছৰ। কিশোৰীগৰাকীক মাতৃৰ হাতৰ পৰা উদ্ধাৰ কৰাৰ পিছতেই পোহৰলৈ আহিছে বহু ভয়ংকৰ তথ্য। নিৰ্যাতিতা কিশোৰীগৰাকীয়ে প্ৰকাশ কৰা অনুসৰি প্ৰথমেই এজন ৬০ বছৰীয়া ব্যক্তিৰে নিশা যাপনৰ বাবে মাতৃয়ে পঠিয়াই। জোৰকৈ বয়স্ক ব্যক্তিগৰাকীয়ে শাৰীৰিক সম্পৰ্ক স্থাপন কৰে। গডফাদাৰ বুলি সম্বোধন কৰা সেই ব্যক্তিৰে সম্পৰ্ক স্থাপনৰ পিছতেই বহু টকাও দিছিল বুলি মন্তব্যত উল্লেখ কৰিছে।
বৃদ্ধগৰাকীৰে প্ৰায় প্ৰতিদিনেই সম্পৰ্ক গঢ়িবলৈ মাতৃয়ে কিশোৰীগৰাকীক বাধ্য কৰোৱাইছিল। অত্যাধিক ঋণৰ বোজা আঁতৰাবলৈকে মাতৃয়ে এনেদৰে সম্বন্ধ স্থাপনৰ বাবে পঠিয়াই ধন আদায় কৰিছিল বৃদ্ধৰ পৰা। কেৱল সেইগৰাকী বৃদ্ধৰ পৰাই ধন আদায় কৰিছিল এনে নহয়। লাহে লাহে মাতৃগৰাকীয়ে নিয়মিতভাৱে বিভিন্ন পুৰুষেৰে মধুনিশা যাপনৰ বাবে পঠিয়াই কিশোৰীগৰাকীক।
বহু পৰিমানৰ ঋণৰ বোজাত পোত গৈ থকা মাতৃগৰাকীয়ে ঋণ আদায় দিয়াৰ সহজ পন্থা হিচাপে জীয়াৰীক ব্যৱহাৰ কৰিবলৈ ধৰে। কিশোৰীগৰাকীয়ে মাতৃৰ কাৰ্যকলাপত অতিষ্ঠ হৈ ঘৰ এৰি পলায়নৰ সিদ্ধান্ত লয়। এনেকৈয়ে চলিত বৰ্ষৰ মাৰ্চ মাহত ঘৰ এৰি শিশু আৱাসত থাকিবলৈ লয়। কিন্তু আৱাসত থকাৰ সময়তে মাতৃগৰাকীয়ে পুনৰ সেই আৱাসৰ পৰা কিশোৰীগৰাকীক এনেদৰে কাৰো সৈতে নিশা যাপনৰ বাবে প্ৰেৰণ নকৰাৰ লিখিত প্ৰতিশ্ৰুতিৰে ঘৰলৈ উভতাই আনে।
কিশোৰীগৰাকীক ঘৰলৈ উভতাই অনাৰ পিছতেই মাতৃগৰাকীয়ে সেই শিশু আৱাসৰ বিৰুদ্ধেই জীয়াৰীক কিডনেপ কৰাৰ অভিযোগ আনে। কিশোৰীক ঘৰলৈ উভতাই আনিও সলনি নহ’ল মাতৃৰ কাৰ্যকলাপ। অৱশেষত মাতৃৰ কাৰ্যকলাপত অতিষ্ঠ হৈ কিশোৰীগৰাকীয়ে আৰক্ষীৰ কাষ চাপিছে। আৰক্ষীয়ে কিশোৰীগৰাকীৰ অভিযোগৰ ভিত্তিতেই এগৰাকী ৫৭ বছৰীয়া ব্যক্তিক ধৰ্ষণৰ অপৰাধত গ্ৰেপ্তাৰো কৰে। ইপিনে মাতৃগৰাকীকো অপৰাধী ঘোষণা কৰি কাৰাগাৰলৈ প্ৰেৰণ কৰিছে আৰক্ষীয়ে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
