মন্দিৰ দৰ্শনৰ সময়তে অঘটন, হঠাতে সজ্ঞা হেৰুৱালে ১২জনৰো অধিক লোকে
মন্দিৰ দৰ্শন কৰিবলৈ আহি হঠাতে অসুস্থ হৈ পৰিল বহু লোক। মধুৰাত সংঘটিত হৈছে এই ঘটনা। আজি দুপৰীয়াৰ সময়ত লাডলী জীৰ মন্দিৰ প্ৰাংগনত এই অঘটন।
ততাতৈয়াকৈ অসুস্থ হৈ পৰা সকলো লোককে নিকট হাস্পতাললৈ প্ৰেৰণ কৰা হয়। বৰ্তমানে কেউজনৰে চিকিৎসা চলি আছে হাস্পতালত। অসুস্থ হৈ পৰা লোকৰ সঠিক হিচাপ পোৱা হোৱা নাই, যদিও ১২গৰাকীৰো অধিক বুলি সন্দেহ কৰা হৈছে।
ঘটনা সন্দৰ্ভত জানিব পৰা অনুসৰি, লাডলী জীৰ মন্দিৰত সেই দুপৰীয়াৰ সময়ত ৰাজভোগৰ দৰ্শনৰ বাবে ভিৰ লাগি গৈছিল। ওপৰা ওপৰি কৰিছিল শ্ৰদ্ধালুৱে। যাৰ পৰিণতিতে এনেদৰে বহু কেইগৰাকী লোক সংজ্ঞাহীন হৈ পৰে।
পাছত লগে লগে পৰিস্থিতি নিয়ন্ত্ৰণৰ বাবে আৰক্ষী মোতায়েন কৰি দিয়ে মন্দিৰ পৰিচালনা কমিটিয়ে। উল্লেখ্য যে, হোলীৰ আগমনৰ বাবে তেনেদৰে মন্দিৰটোত অধিক ভক্তৰ ভিৰ হৈছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
