বিশ্বৰ আটাইতকৈ প্ৰদূষিত চহৰৰ তালিকাত গুৱাহাটী ২য়…আছে আৰু বহুতো নাম
সমগ্ৰ বিশ্বৰ ভিতৰত আটাইতকৈ প্ৰদূষিত চহৰৰ তালিকাত গুৱাহাটীৰ নাম। দ্বিতীয় স্থানত আছে গুৱাহাটী মহানগৰ।
ছুইজাৰলেণ্ডৰ গ্ৰুপ আই কিউ এয়াৰ ইনডেক্সত প্ৰকাশিত তথ্য অনুসৰি ভাৰতৰ ৫ খন চহৰৰেই নাম সন্নিবিষ্ট আছে আটাইতকৈ প্ৰদূষিত চহৰৰ শীৰ্ষ ১০ৰ ভিতৰত।
সেই তালিকাৰেই শীৰ্ষৰ দ্বিতীয়ত অসম তথা উত্তৰ পূৱৰ অন্যতম চহৰ গুৱাহাটীৰ নাম। আনহাতে বিশ্বৰ সবাতোকৈ প্ৰদূষিত ৰাজধানী হিচাপে বিবেচিত হৈছে দেশৰ ৰাজধানী দিল্লী।
কেৱল দিল্লীয়েই নহয় বিশ্বৰ সবাতোকৈ প্ৰদূষিত চহৰৰ তালিকাতো স্থান পাইছে দেশৰ এখন চহৰে। সেইখন হৈছে বিহাৰৰ চহৰ বেলুচৰাই। সকলোতকৈ বেয়া বায়ুৰ গুণাগুণৰ তালিকাত দিল্লী শীৰ্ষত।
কেৱল সেয়াই নহয়, দেশৰ তালিকাৰ ক্ষেত্ৰত বিশ্বৰ আটাইতকৈ প্ৰদূষিত দেশৰ ভিতৰত ভাৰত তৃতীয় স্থানত। এই স্থানত শীৰ্ষত আছে ভাৰতৰে চুবুৰীয়া অন্য দুখন দেশ ক্ৰমে বাংলাদেশ আৰু পাকিস্তান।। ১৩৪ খন দেশৰ ভিতৰত কৰা হৈছিল এই পৰীক্ষা।
উল্লেখ্য যে, দিল্লী কেৱল এইবাৰেই নহয়, ইয়াৰ পূৰ্বে একেলেথাৰিয়ে ৪ বাৰ সবাতোকৈ প্ৰদূষিত ৰাজধানী হিচাপে বিবেচিত হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
