শুনিবলৈ এক আমোদজনক হ’লেও এক নাভূত-নাশ্ৰুত ঘটনা সংঘটিত হৈছে গুৱাহাটী গোপীনাথ বৰদলৈ আন্তঃৰাষ্ট্ৰীয় বিমান ইণ্ডিগ’ৰ এখন উৰন্ত যাত্ৰীবাহী বিমানত৷
ঘটনাৰ বিৱৰণীৰ মতে ইণ্ডিগ’ 6E394 যাত্ৰীবাহী বিমানখনে বুধবাৰে দুপৰীয়া ১২.৫০ বজাত গুৱাহাটীৰ পৰা কলকতাৰ অভিমুখে যাত্ৰা কৰাৰ কথা আছিল৷ কিন্তু উৰণ আৰম্ভ কৰাৰ কিছু সময়ৰ পূৰ্বে বিমানখনৰ ভিতৰতে এটা নিগনি প্ৰত্যক্ষ কৰে৷
নিগনিটো প্ৰত্যক্ষ কৰাৰ লগে লগে বিমানত থকা সকলো যাত্ৰীকে নমাই বিমান সংস্থাটোৰ কৰ্মচাৰীয়ে নিগনিটো ধৰিবলৈ চেষ্টা কৰে জানিব পৰা গৈছে৷ সন্ধিয়া সময়লৈকে বিমান পৰিবহণ সংস্থাটোৰ কৰ্মচাৰীয়ে নিগনিটো ধৰিবলৈ সক্ষম হোৱা নাছিল৷
লগতে পঢ়ক বিশ্বৰ আটাইতকৈ দামী পানীৰ বটলটোৰ দাম কিমান লাখ টকা? জানিলে আপোনাৰ চকু কপালত উঠিব!
ইফালে বিমান সংস্থাটোৰ কৰ্মচাৰীয়ে বিমানখনৰ ভিতৰত থকা নিগনিটো ধৰিবলৈ চেষ্টা কৰাৰ বাবেই বিমানখনৰ উৰণত যথেষ্ট পলম হৈছে৷ ইণ্ডিগ’ বিমানখনৰ উৰণ পলম হোৱাৰ ফলতে কলকতাৰ পৰা সংযোগী বিমানেৰে ৰায়পুৰলৈ যাবলগীয়া পাঁচজনকৈ যাত্ৰীয়ে ৰায়পুৰ অভিমুখী বিমানখন মিছড কৰে৷
ৰায়পুৰলৈ বিমান মিছড্ কৰাৰ পাঁচগৰাকী যাত্ৰীক ইণ্ডিগ’ৱে কলকতাত থকাৰ লগতে কাইলৈ পুৱা ৭ বজাতে তেওঁলোকক ৰায়পুৰলৈ যাত্ৰা কৰাৰ বাবে বিমানৰো ব্যৱস্থা কৰি দিয়া বুলি জানিব পৰা গৈছে৷
উল্লেখ্য যে যাত্ৰীবাহী বিমানত নিগনি উলোৱা ঘটনা এয়াই প্ৰথম নহয়৷ ইয়াৰ পূৰ্বেও যাত্ৰীবাহী বিমানত নিগনি উলোৱাৰ বাতৰি সংবাদ মাধ্যমত প্ৰকাশ পাইছিল৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
