বিমানবন্দৰ মানেই সাধাৰণ মানুহৰ চকুত এক আভিজাত্যৰ ক’লাজ৷ য’ত একাপ চাহৰ দামেই পকেট ঢিলা কৰে সাধাৰণ লোকৰ৷ কিন্তু সেই চিনাকী ছবি এতিয়া সলনি হৈছে৷ দেশৰ বাণিজ্য নগৰী মুম্বাইত আৰম্ভ হৈছে নতুন নিয়ম৷ সাধাৰণ যাত্ৰীসকলৰ স্বস্তিৰ কথা মূৰত ৰাখি মুম্বাই বিমানবন্দৰত আৰম্ভ হৈছে ‘উৰাণ কেফে’৷ য’ত মাত্ৰ ১০ টকাতেই পাব গৰম চাহ৷
২০২৬ চনত দেশত মুদ্ৰাস্ফীতিৰ সময়ত এই উদ্যোগ সঁচাকৈয়ে চমকপ্ৰদ৷ বিলাসিতা আৰু উচ্চমূল্যৰ ভিড়ত সাধাৰণ মানুহৰ বাবে এই খবৰ খুবেই ভাললগা৷ এই কেফে আৰম্ভ হৈছে মুম্বাইৰ পৰা শিলিগুড়ি বা কলকাতালৈ৷ সাধাৰণ যাত্ৰীয়ে ইয়াৰ ফলত খুবেই উপকৃত হৈছে৷
আম আদমি পাৰ্টীৰ নেতা ৰাঘৱ চাড্ডাই এই জনমুখী উদ্যোগৰ কথা সামাজিক মাধ্যমত তুলি ধৰিছে৷ মুম্বাইৰ ছত্ৰপতি শিৱাজী মহাৰাজ আন্তৰ্জাতিক বিমানবন্দৰৰ দৰে ব্যস্ততম স্থানত এবটল পানী কিনিবলৈ বহু দাম ভৰিব লাগে৷ তাতেই এনেকৈ কম দামত চাহ, কফি দিয়াটো আচহুৱা যেন লাগিলেও এয়া সম্ভৱ হৈছে কেৱল ৰাঘৱ চাড্ডাৰ বাবেই৷ বিমানবন্দৰত সাধাৰণ যাত্ৰীৰ অসুবিধাসমূহ ৰাজ্যসভাত তুলি ধৰিছিল ৰাঘৱ চাড্ডাই৷
ইতিমধ্যেই সামাজিক মাধ্যমত এই কেফেৰ মেনুকাৰ্ড ভাইৰেল হৈছে৷ সাধাৰণ মানুহৰ পৰা আৰম্ভ কৰি পৰ্যটক, সকলোৱে এই উদ্যোগৰ প্ৰশংসা কৰিছে৷ বিশেষজ্ঞৰ মতে ভাৰতৰ অন্যান্য ডাঙৰ বিমানবন্দৰসমূহতো যদি এই মুম্বাই মডেল অনুসৰণ কৰা হয় তেতিয়া সাধাৰণ মানুহৰ বাবে আকাশপথৰ যাত্ৰা আৰু সহজলভ্য হৈ পৰিব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
