কলিকতাৰ ঘটনাৰ মাজতে মুম্বাইত আন এগৰাকী মহিলা চিকিৎসকৰ সৈতে ঘটিল ঘটনা, মহিলাসকল কেতিয়া হ’ব সুৰক্ষিত!
মহিলা সকল কেতিয়া সুৰক্ষিত হ’ব! কেতিয়া মুকলিকৈ উশাহ ল’ব পাৰিব এগৰাকী মহিলাই! কলিকতাৰ মহিলা চিকিৎসকৰ ঘটনাই দেশ কঁপাই যোৱাৰ সময়তে পোহৰলৈ আহিছে আন এক ঘটনা। এইবাৰ মুম্বাইৰ হাস্পতালত এগৰাকী মহিলা চিকিৎসকৰ সৈতে দুৰ্ব্যৱহাৰ ।
ঘটনা সন্দৰ্ভত জানিব পৰা অনুসৰি পুৱতি নিশা প্ৰায় ৩.৩০ মান বজাত হাস্পতালত ডিউটি কৰি থকাৰ সময়তে ঘটে এই ঘটনা। পুৱতি নিশা এগৰাকী বেয়াকৈ আঘাতপ্ৰাপ্ত লোক আহে চিকিৎসাৰ বাবে। হাতৰ পৰা তেজ বৈ থকাৰ লগতে চেহেৰাটো আছিল গভীৰ জখম।
মহিলা চিকিৎসকগৰাকীয়ে লগে লগে ৰোগীগৰাকীৰ চিকিৎসাৰ বাবে যো-জা কৰে । সেই সময়ত ৰোগীগৰাকী সুৰাসক্ত অৱস্থাতো আছিল। মহিলা চিকিৎসকগৰাকীয়ে চিকিৎসা কৰি থকাৰ সময়তে হঠাতে সুৰাত মগন ৰোগীয়ে বেয়া ব্যৱহাৰ কৰিবলৈ ধৰে চিকিৎসকগৰাকীৰ সৈতে।
ৰোগীৰ লগত অহা অন্য দুগৰাকী মহিলাও চিকিৎসকগৰাকীৰ মুখত তেজ সানি দি তুলা লগাই দিয়ে লগতে চিকিৎসা সঁজুলিৰে আক্ৰমণ কৰে। যি আক্ৰমণত বেয়াকৈ আঘাতপ্ৰাপ্ত হয় চিকিৎসকগৰাকী। লগে লগে হুৱাদুৱা লাগি যায়।
সেই হুৱাদুৱাৰে সুযোগ লৈ পলায়ন কৰে তিনিও অভিযুক্ত। আৰক্ষীকো খবৰ কৰা হয় ঘটনা সন্দৰ্ভত। সেই গোচৰৰ ভিত্তিতে আৰক্ষীয়ে বৰ্তমানে হাস্পতালৰ চিচি টিভি কেমেৰাৰ ফুটেজৰ পৰা দৃশ্য সংগ্ৰহ কৰি অভিযুক্তৰ সন্ধানত নামি পৰিছে। অৱশ্যে অদ্যপি অভিযুক্ত সন্দৰ্ভত কোনো শুংসূত্ৰ লাভ কৰা নাই আৰক্ষীয়ে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
