বিবাহ বিচ্ছেদৰ পিছতে এ আৰ ৰহমানৰ ফালৰ পৰা সুখবৰ, সামাজিক মাধ্যমত শ্বেয়াৰ কৰিলে পোষ্ট
বিখ্যাত সংগীত শিল্পী এ আৰ ৰহমানৰ শেহতীয়াকৈ পত্নী ছাইৰা বানুৰ পৰা বিবাহৰ ২৯ বছৰৰ পাছত বিচ্ছেদ হৈছে। কিন্তু এই কঠিন সময়ত তেওঁ অনুৰাগীক পৰিয়াল সন্দৰ্ভত গোপনীয়তা বজাই ৰাখিবলৈ আহ্বান জনাইছে। পত্নীৰ সৈতে বিবাহ বিচ্ছেদৰ কাৰণ হিচাপে ব্যক্তিগত মতানৈক্যৰ কথা উল্লেখ কৰে শিল্পীগৰাকীয়ে।
পাছে সেই সকলোবোৰৰ মাজতে শিল্পীগৰকীয়ে সাামাজিক মাধ্যমত শ্বেয়াৰ কৰিছে এক সুখবৰ। সকলো দুখৰ মাজতে এক সুখৰ খবৰ আগমণ ঘটিছে এ আৰ ৰহমানৰ জীৱনলৈ।
শুকুৰবাৰে এ আৰ ৰহমানে ছ’চিয়েল মিডিয়াত পোষ্ট কৰি শ্বেয়াৰ কৰে যে তেওঁ হলিউড মিউজিক ইন মিডিয়া এৱাৰ্ডছ (এইচএমএমএ)ত তেওঁৰ ছবি ‘দ্য গ’ট লাইফ’ৰ বাবে ‘বেষ্ট স্ক’ৰ’ বঁটা লাভ কৰিছে।
এই সন্মানৰ বাবে তেওঁ সকলোকে কৃতজ্ঞতা জ্ঞাপন কৰি এই সন্মান নিজৰ দল আৰু অনুৰাগীৰ বাবে উৎসৰ্গা কৰে। এই সন্মান প্ৰাপ্তিৰ খবৰৰ পাছকে ৰহমানৰ অনুৰাগীয়ে অভিনন্দন জনাইছে।
উল্লেখ্য যে, এ আৰ ৰহমান আৰু ছাইৰা বানুৱে চলিত সপ্তাহৰ আৰম্ভণিতে ২৯ বছৰীয়া বৈবাহিক সম্পৰ্ক শেষ কৰাৰ সিদ্ধান্ত লৈছিল, যিটো শুনি তেওঁলোকৰ অনুৰাগীসকলে স্তম্ভিত হৈ পৰিছিল। ছাইৰা বানুৰ অধিবক্তাই প্ৰেছ বিজ্ঞপ্তি জাৰি কৰি কয় যে ছাইৰা বানুৰ যথেষ্ট কষ্ট হৈছে। বহু বিবেচনাৰ অন্তত তেওঁ এই সিদ্ধান্তত উপনীত হৈছে যে তেওঁ আৰু এ আৰ ৰহমানৰ মাজত বিচ্ছেদ হ’ব লাগে।
নিজৰ কঠিন সময়ৰ মাজতে শুকুৰবাৰে এ আৰ ৰহমানে অনুৰাগীসকলক এটা ভাল খবৰ দিলে, য’ত তেওঁ নিজৰ পেছাদাৰী সফলতাৰ বিষয়ে কয়। বুধবাৰে অনুষ্ঠিত হৈছিল হলিউড মিউজিক ইন মিডিয়া এৱাৰ্ডৰ ১৫ সংখ্যক সংস্কৰণ। বঁটা প্ৰদান অনুষ্ঠানত চলচ্চিত্ৰ, টিভি, ভিডিঅ’ গেম আৰু অন্যান্য মাধ্যমলৈ আগবঢ়োৱা অৱদানৰ বাবে সুৰকাৰ, গীতিকাৰ আৰু সংগীত সুৰকাৰ সকলক সন্মান জনোৱা হয়।
‘The Goat Life’ ছবিখনৰ পৰিচালক ব্লেছিয়ে ৰহমানৰ হৈ এই বঁটা গ্ৰহণ কৰে। অৱশ্যে এই বঁটা প্ৰদান অনুষ্ঠানত ৰহমানে ভিডিঅ’ বাৰ্তা প্ৰেৰণ কৰে, য’ত তেওঁ কয়, ‘এই বঁটা লাভ কৰি মই অতি গৌৰৱ অনুভৱ কৰিছো। এই বঁটা লাভ কৰাটো এক সন্মানৰ কথা। এই বঁটা মোৰ দল আৰু সকলো সমৰ্থকলৈ উৎসৰ্গা কৰিছো।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
